Васильев, Николай Петрович

МАССР культурань заслуженной важодиця. Эрзя.

Чачсь чугункань кинь лангсо важодиця раськесэ. Прядызе Мордовской вийкирдиень университетэнть (1972 иестэ), Н. К. Крупская лемсэ кинонь снимицянь курсат Весесоюзэнь раськетнень шкинемань Кудосо (1951).

1942—1952 иетнесэ важодсь Башкириянь колхойтнесэ ды заводга, 1952 иестэ саезь важодсь театрава Бугуруслан, Чебоксары ош, Алма-Ата, Астрахань, Сызрань ош, Великие Луки, Калинин, Усть-Каменогорск, Эрзямас ош, Фергана ошотнева. 24 иеть — Мордовской вийкирдиень раськень драмань театрасо.

1971 иестэ саезь — эйкакшонь музыкань школань прявтокс, «Вачкиця» (руз. «Строитель») клубонь някань театрань ветицякс, «Умарина» МАССРень вийкирдиень киштема ды морамо кужонь прявток (с эрз. «Яблоня»), 1978 саезь 1979 иень видс— Мордовской радионь передачань теицякс.

Раськезэ

Низэ — Зинаида Павловна Васильева (чачсь Кавкайкинакс, 1939), хоронь ветиця.

Эйкакшост:

• Олег (чачсь 1962), прядызе Уфа ошонь искусствань тонавтома тарканть, трубасо седицякс, Московонь культурань институтонть, гитарасо седицякс;
• Сергей (чачсь 1966), приядызе Саран ошонь музыкань тонавтома тарканть, трубасо седицякс (1985), Мордовской тонавтомань институт (2013).

• Андрей — «Нежедема тарка» руз. «Точка опоры» С. Алешинэнь (1961)
• Якорев — «Меельцетне» руз. «Последние» М. Горькоень (1968)
• Морозов —«Рузонь ломанть» руз. «Русские люди» К. Симоновонь (1980)
• Павел Иванович — «Ташто кудо» руз. «Старый дом» А. Казанцевонь (1981)
• Чугунов — «Верьгизт ды реветь» руз. «Волки и овцы» А. Островскоень (1983)
• Колхозонь прявт — «Кашланго чаро лансо» руз. «Печка на колесе» Н. Семёновонь (1984).