Xadreç ye un jogo de tabuleiro de natureza recreatiba i cumpetitiba para dous jogadores.
La forma atual de l jogo surgiu ne l Sudoiste de la Ouropa na segunda metade de l Seclo XV, durante l Renacimiento, depuis de tener eiboluído de sues antigas ouriges persas i andianas. L Xadreç se ouriginou de l Chaturanga, jogo que se praticaba na Índia ne l Seclo VI d.C.
L xadreç ye un de ls jogos mais populares de l mundo, sendo praticado por milhones de pessonas an torneios (amadores i profissionales), clubes, scuolas, pula Internet, por correspondéncia i anformalmente. La partida de xadreç ye çputada nun tabuleiro de casas claras i scuras, sendo que, ne l'ampeço, cada jogador cuntrola dezesseis peças cun defrentes formatos i caratelísticas. L'oubjetibo de la partida ye dar xeque-mate (tamien chamado de mate) ne l'adbersairo. Eesisten dibersas stratégias i táticas para se atingir este oubjetibo. L jogador ten l'oupçon d'abandonar l jogo.
Cada un de ls jogadores çponen de dezesseis peças: uito peones, dous cabalhos, dous bispos, dues torres, un rei i ua dama, sendo que cada tipo de peça ten un mobimiento caratelístico: Quando ua peça puode ser mobida para ua casa an que stá localizada ua peça adbersaira, esta radadeira puode ser caturada. Assi, la peça a ser jogada mobe-se pa la casa de la peça ouponente, que ye anton retirada de l tabuleiro. L rei ye la única peça que nunca puode ser caturada, ua beç que la partida tremina quando ocorre l xeque-mate, ó seia, l'eiminéncia de la catura de l rei.
Cada tipo de peça ten un balor i un mobimiento defrente. Ls mobimientos de cada peça son:
This article uses material from the Wikipedia Mirandés article Xadreç, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.