Ounidade Astronómica

An astronomie, la ounidade astronómica (OA, podendo ser abrebiado tamien cumo AU) ye ua ounidade de çtáncia, aprossimadamente eigual a la çtáncia média antre la Tierra i l Sol.

Ye bastante outelizada para çcrebir la órbita de ls planetas i d'outros cuorpos celhestres ne l ámbito de l'astronomie planetária. An 2012, la Ounion Astronómica Anternacional defeniu un balor custante i padron pa la OA, até anton cunsidrada cumo aprossimadamente 150 milhones de Km. L balor de la custante ye OA = 149.597.870.700 m .

L simblo ua ye l recomendado pul Scritório Anternacional de Pesos i Medidas i l International standard ISO 80000, anquanto au ye recomendado pula Ounion Astronómica Anternacional.

Defeniçon

A ounidade astronómica fui ouriginalmente defenida cumo l centeilha de la órbita circular newtoniana dua partícula de massa çprezible i lhibre de perturbaçones cun ua belocidade angular média de 0,017 202 098 95 radianos por die, coincida cumo custante grabitacional de Gauss.

An tenermos aprossimados, l'ounidade astronómica puode ser defenida cumo la çtáncia média antre la Tierra i l Sol, cujo balor defenido aprossimado ye 150 000 000 Km.

    • 1 anho luç = 9,5 x 1012 Km = 9,5 trilhones de Km = 9,5 beliones de Km (ber Scalas cúrtie i lhonga)
    • 1 parsec = 3,26 la.l. (anhos-luç)

Depuis de la XXVIII Assemblé Giral de 2012 de la IAU (Ounion Astronómica anternacional), l'ounidade astronómica fui defenida cumo ua custante de satamente 149 597 870 700 m. Debendo ser outelizada l'abrebiaçon oa.

Stória

Fui ne l seclo II a.C. que l'astrónomo griego Heiparco tentou fazer l purmeiro cálclo coincido de la çtáncia antre la Tierra i l Sol, aprobeitando ls eclipses totales de la Lhuna. Sou método, antretanto, era bastante ampreciso i resultou balores eiquibocados.

Ne l'ampeço de l seclo XVII, la detreminaçon de la çtáncia de la Tierra al Sol era la mais amportante de l'astronomie, i Edmond Halley propós un método baseado na paralaxe de l'ouserbaçon de dous astrónomos situados çtantes un de l'outro a ouserbar l tránsito de Bénus subre l çco solar para melhor se abaluar esta çtáncia. Inda assi, dada la raridade de l fenómeno, solamente an 1631 i 1639 (quando acunteciu) fui, anton, possible aplicar l método de Halley para calculá-a cumo sendo cerca de 150 milhones Km.

Atualmente, son outelizados modernos métodos de deflexon de óndias de rádio para abaluaçon mais percisa desta çtáncia.

Refréncias

Tags:

AstronomiePlanetaSolTierra

🔥 Trending searches on Wiki Mirandés:

LeninStória de MacauOuroArgentinaAXEL - Te soñéCuritibaHampshireAmérica de l SulPolíticaVajrayanaJainismoDemocracieKenzaburo OeAmpério OutomanoSibériaHeidrogénioBasquetebolCubaTanzániaCarril de SantiagoMirandés RaianoAnciclopédiaWarszawaXintoísmoCanadáCiéncias socialesCCXIFamilhaArteHungrieAnimalDVDOsama bin LadenSaturnoBiologieAlbert EinsteinNacionalismoRáguebiGuerra Franco-PrussianaPaquistanRelegionUgandaReino OunidoAbrilSudan de l SulRita PereiraINTOXICADOS - Pila pilaPandemie de coronabírusJUANES - Nada valgoArqueologieLhéngua eitalianaAmérica LatinaEimirados Árabes OunidosLéngua anglesaMiranda - PrisioneroQatarGalesBinoRússiaMiranda - DonReboluçon FrancesaGeórgiaOunion SobiéticaMoscoboOuro (moneda)Lhetónia🡆 More