La lhéngua Lhionesa ó lhionés ye lhéngua que apareciu a partir de l latin bulgar i de cuntribuiçones de lhénguas pré-románicas faladas na region acupada hoije pulas porbíncias spanholas de Lhion i Çamora, i an alguas aldés de l Çtrito de Bergáncia, an Pertual.
Aparece-se al mirandés i al sturiano, pertencendo al grupo de las lhénguas eibéricas i classeficada ne l subgrupo lhenguístico Stur-lhionés.
Por ser ua lhéngua falada por un grupo restrito, l Lhionés ye falado solo ne l norte i oeste de la porbíncia de Lhion i antre giente de la Serra de La Cabreira; yá stá quaije stinto an Çamora. Por bies desso, l Cunseilho Lhionés [1], de Çamora, de Conyaza, de Mansiella de las Mulas ó La Bañeza fázen campanhas, an fabor de la sue nó-stinçon, ansinando l Lhionés pa la populaçon mais moça i, tamien, lhuitan na tentatiba de cunseguir aceitaçon desta lhenguaige antre la populaçon ourbana.
Essas campanhas ban tenendo resultados sastifatórios. Houbo un oumento de l númaro de moços que outeliza l Lhionés, pul menos na scrita.
La quemunidade que bibe an território Lhionés i bários partidos políticos ténen lhutado para criar ua quemunidade outónoma lhionesa, a la borda de la quemunidade de Castielha i Lhion, qu'oubtubo outonomie an 1983.
Lhionés | Mirandés | Pertués | Galego | Francés | Eitaliano | Béneto | Castelhano | Catalan | Lhatin |
---|---|---|---|---|---|---|---|---|---|
facere | fazer | fazer | facer | faire | fare | fare | hacer | fer | facere |
fiyu | filho | filho | fillo | fils | figlio | fiolo | hijo | fill | filium |
fame | fame | fome | fame | faim | fame | fame | hambre | fam | faminem |
gochu | cochino | porco | porco, cocho | cochon | maiale | porselo | cerdo | porc | porcum |
vieyu | bielho | velho | vello | vieux | vecchio | vecio | viejo | vell | vetulum |
chovere | chober | chover | chover | pleuvoir | piovere | piòvare | llover | ploure | plovere |
This article uses material from the Wikipedia Mirandés article Lhéngua lhionesa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.