चित्रपट धर्मवीर: एक मराठी चित्रपट

२०२२ मधील एक मराठी चित्रपट असून याची निर्मिती मंगेश देसाई यांच्या साहिल मोशन आर्टस् आणि झी स्टुडिओज यांच्या संयुक्त विद्यमाने करण्यात आली आहे.

या चित्रपटाची घोषणा २७ जानेवारी २०२२ रोजी शिवसेना नेते आणि ठाणे जिल्ह्याचे पालकमंत्री एकनाथ शिंदे यांच्या मार्फत करण्यात आली. हा चित्रपट शिवसेना नेते स्व. आनंद दिघे यांच्या आयुष्यावर बेतलेला असून मराठी चित्रपट अभिनेते प्रसाद ओक हे दिघे यांच्या भूमिकेत दिसणार आहेत. या चित्रपटात प्रसाद ओक, क्षितीश दाते, मकरंद पाध्ये आणि श्रुती मराठे यांच्या प्रमुख भूमिका आहेत. हा चित्रपट १३ मे २०२२ रोजी भारतीय चित्रपटगृहात प्रदर्शित झाला. पहिल्या आठवड्यात चित्रपटाने ₹१३.८७ कोटी कमावले आणि ब्लॉकबस्टर हिट ठरला. दिघे वापरत असलेली 'एमएच ०५ - जी - २०१३' क्रमांकाची आर्माडा गाडी ही या चित्रपटात वापरण्यात आली आहे हे या चित्रपटाचे एक वैशिष्ट्य आहे.

या चित्रपटात आनंद दिघे यांची कथा दाखवण्यात आहे जे शिवसेना पक्षाचे ज्येष्ठ नेते आणि ठाणे जिल्हा प्रमुख होते. दिवंगत शिवसेना नेते आनंद दिघे यांच्या जीवनावरील हा चरित्रपट असून त्यांच्या जीवनातील महत्त्वाचे पैलू त्यांच्या जवळच्या सहकाऱ्यांनी कथन केलेल्या विविध कथा आणि घटनांद्वारे या चित्रपटात दाखवण्यात आले आहेत.

• आनंद दिघे यांच्या भूमिकेत प्रसाद ओक
  • शिवराज वायचळ - तरुण आनंद दिघे
• एकनाथ शिंदे यांच्या भूमिकेत क्षितीश दाते
• बाळासाहेब ठाकरे यांच्या भूमिकेत मकरंद पाध्ये
• अनिता बिर्जेच्या भूमिकेत स्नेहल तरडे
• तन्वी म्हापसेच्या भूमिकेत श्रुती मराठे
• समीरच्या भूमिकेत गश्मीर महाजनी
• मो.दा. जोशी यांच्या भूमिकेत विजय निकम
• प्रकाश परांजपे यांच्या भूमिकेत विघ्नेश जोशी
• दादाजी भुसे यांच्या भूमिकेत अभिजीत खांडकेकर
• रिपोर्टर म्हणून मंगेश देसाई
• समीरच्या वडिलांच्या भूमिकेत मोहन जोशी
• राजन विचारे यांच्या भूमिकेत सागर पाबळे
• रवींद्र फाटक यांच्या भूमिकेत शुभंकर
• निरीक्षक यशवंत तावडे यांच्या भूमिकेत जयवंत वाडकर
• वसंत डावखरे यांच्या भूमिकेत योगेश शिरसाट
• मीनाताई ठाकरे यांच्या भूमिकेत शुभांगी लाटकर
• आत्मारामच्या भूमिकेत देवेंद्र गायकवाड
• आनंदच्या मित्राच्या भूमिकेत दुष्यंत वाघ
• मनोज कोल्हटकर बलात्कार झालेल्या मुलीच्या वडिलांच्या भूमिकेत
• सिद्धिरूपा करमरकर बलात्कार झालेल्या मुलीची आई
• रिपोर्टर म्हणून पियुष परमार
• राज ठाकरे यांच्या भूमिकेत अनुज प्रभू
• नारायण राणे यांच्या भूमिकेत योगेश कुलकर्णी
• इन्स्पेक्टर विजय शेलारच्या भूमिकेत सुशांत शेलार
• हवालदाराच्या भूमिकेत अंशुमन विचारे
• शिवराज वाळवेकर निरीक्षक म्हणून
• कार्यकर्ता म्हणून एकनाथ भोईर
• आशिष वारंग लेडीज बार मालक म्हणून