မေတ္တာသုတ်၊ပါဠိ
ပါဠိ မေတ္တာသုတ်
ယဿာနုဘာဝတော ယက္ခာ နေဝ ဒဿေန္တိ ဘီသနံ ယဉှိစေဝါနုယုဉ္စန္တော ရတ္တိန္ဒိဝ မတန္ဒိတော
သုခံ သုပတိ သုတ္တောစ ပါပံ ကိဉ္စိ န ပဿတိ ဧဝမာဒိ ကုဏူပေတံ ပရိတ္တံ တံ ဘဏာမဟေ။
ကရဏီယ မတ္ထ ကုသလေန ယန္တ သန္တံ ပဒံ အဘိသမေစ္စ သက္ကော ဥဇူစ သုဟုဇူစ သုဝစော စဿ မုဒု အနတိမာနီ။
သန္တုဿကော စ သုဘရော စ အပ္ပကိစ္စောစ သလ္လဟုကဝုတ္တိ သန္တိန္ဒြိယောစ နိပကောစ အပ္ပဂဗ္ဘော ကုလေသွ နနုဂိဒ္ဓေါ။
နစ ခုဒ္ဒ မာစရေ ကိဉ္စိ ယေနဝိညူ ပရေ ဥပဝဒေယျုံ သုခိနော ဝ ခေမိနော ဟောန္တု သဗ္ဗသတ္တာ ဘဝန္တု သုခိတတ္တာ။
ယေ ကေစိ ပါဏဘူတတ္ထိ တသာဝါ ထာဝရာဝ နဝသေသာ ဒီဃာဝါ ယေဝ မဟန္တာ မဇ္ဈိမာ ရဿကာ အဏုကာထူလာ။
ဒိဋ္ဌာ ဝါယေဝ အဒိဋ္ဌာ ယေဝ ဒူရေ ဝသန္တိ အဝိဒူရေ ဘူတာဝါ သမ္ဘဝေသီဝ သဗ္ဗသတ္တာ ဘဝန္တု သုခိတတ္တာ
နပရော ပရံ နိကုဗ္ဗေထ နာတိမညေထ ကတ္ထစိ နကိဉ္စိ ဗျာရောသနာ ပဋိဃသည နာညမညဿ ဒုက္ခမိစ္ဆေယျ။
မာတာ ယထာ နိယံ ပုတ္တ မာယုသာ ဧကပုတ္တ မနုရက္ခေ ဧဝမ္ပိ သဗ္ဗဘူတေသု မာနသံ ဘာဝယေ အပရိမာဏံ။
မေတ္တဉ္စ သဗ္ဗလောကသ္မိံ မာနသံ ဘာဝယေ အပရိမာဏံ ဥဒ္ဓံ အဓောစ တိရိယဉ္စ အသမ္ဗာဓံ အဝေရ မသပတ္တံ။
တိဋ္ဌံ စရံ နိသန္နောဝ သယာနော ယာဝတဿ ဝိတမိဒ္ဓေါ ဧတံ သတိံ အဓိဋ္ဌေယျ ဗြဟ္မ မေတ္တံ ဝိဟာရ မိဓ မာဟု။
ဒိဋ္ဌိဉ္စ အနုပဂ္ဂမ္မ သီလဝါ ဒဿနေ န သမ္ပန္နော ကာမေသု ဝိနယ ဂေဓံ န ဟိ ဇာတုဂ္ဂဗ္ဘ သေယျ ပုန ရေတိ။
မေတ္တာသုတ္တံ နိဋ္ဌိတံ။
This article uses material from the Wikipedia မန် article မေတ္တာသုတ်၊ပါဠိ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.