«Цогт тайж» — 1945 онд бүтсэн, Монголын 2 ангитай уран сайхны кино.
Цогт тайж | |
---|---|
Найруулагч: | М.Лувсанжамц М.Болд Юрий Тарич |
Продюсер: | Владимир Миронов |
Зохиол: | Б.Ринчен Юрий Тарич |
Дүрүүдэд: | Ц.Цэгмид Д.Бат-Очир |
Хөгжмийн зохиолч: | Б.Дамдинсүрэн Л.Мөрдорж |
Зураглаач: | Д.Жигжид |
Эвлүүлэгч: | Д.Шархүүхэн Д.Төмөр П.Цэндсүрэн |
Компани | Монгол кино үйлдвэр |
Нээлт: |
|
Хугацаа: | 152 мин |
Улс: | Монгол |
Хэл: | Монгол |
Төсөв: | 2.400.000 төгрөг |
Уг кино дэлгэцэнд гарсан нь Монголын кино урлагт мэргэжлийн уран бүтээлчид төрөн гарч, бие даан бүтээл туурвих өргөн боломж нээгдсэнийг зарлан тунхагласан сайхан зүйл байлаа. Монгол кино үйлдвэрийн бүх салбар, тасгийн ажилчид оролцсон, мөн мэргэжлийн техникчид, хамт олон бүрэлдэн тогтжээ. Энэ киноны нэг онцлог нь эдүгээ "Алтан үеийнхэн" хэмээн нэрлэгдэх болсон Монголын мэргэжлийн уран бүтээлчид өөрсдийнхөө ур чадварыг сорьж, анхны гараагаа амжилттай эхэлсэнд оршино.
Монголын театр, киноны нэрт жүжигчид өөрсдийн залуу насаа мөнхлөн үлдээсэн гайхамшигт бүтээл болсноороо үзэгчид судлаачдын сонирхлыг зүй ёсоор татдаг билээ. 1999 онд "Зууны мэдээ" сонины явуулсан санал асуулгаар ХХ зууны Монголын кино урлагийн манлай бүтээлээр шалгарсан, 2000 онд "Өнөөдөр" сониноос нэрлэсэн ХХ зуунд бүтээгдсэн Монголын 10 шилдэг киноны нэгээр шалгарчээ.
17-р зууны үед амьдарч байсан, эх оронч соён гэгээрүүлэгч Цогт хунтайжийн намтарт түшиглэн Манжийн түрэмгий бодлогын эсрэг тэмцэн боссон Монголчуудын тусгаар тогтнолын хөдөлгөөнийг уран сайхны аргаар чадварлаг боловсруулан тусгасан юм.
This article uses material from the Wikipedia Монгол article Цогт тайж (кино), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.