Эрээн тахь хар, цагаан судалтай онцлог зүсээрээ хамгийн их алдаршсан Африкийн адууныхан овгийн зүйл.
Эрээн тахь бүрийн судал өөр өөр байдаг. Янз бүрийн тоо толгойтой сүргээр амьдарна. Ерөнхийдөө 2.3 м урт, 1.25-1.5 м өндөр, 300 кг жинтэй. Зарим нь 410 кг жин татах ч тохиолдол бий. Эрээн тахь судалтайн зэрэгцээ, босоо дэлтэй. Ойрын төрөл адуу, илжигийг бодвол хэзээ ч жинхэнээсээ гэршиж байгаагүй.
Эрээн тахь | ||||||||||||||||
---|---|---|---|---|---|---|---|---|---|---|---|---|---|---|---|---|
Талын эрээн тахь (Equus quagga) | ||||||||||||||||
Биологийн ангилал | ||||||||||||||||
| ||||||||||||||||
Зүйл | ||||||||||||||||
Equus zebra |
Эрээн тахийн гурван зүйл бий: Талын эрээн тахь, Хаан эрээн тахь, Уулын эрээн тахь. Талын ба уулын эрээн тахь нь Hippotigris дэд төрөлд хамаардаг бол Хаан эрээн тахь нь Dolichohippus дэд төрлийн цорын ганц зүйл юм. Эхний хоёр нь адуутай илүү төстэй бол сүүлийнх нь илжигтэй илүү төстэй. ДНХ, молекулын шинжилгээнээс үзэхэд эрээн тахийн зүйлүүд бүгдээрээ нэг өвгөөс гаралтай ажээ. Гурвуулаа Equus төрөлд багтана. Кенийн зарим бүс нутагт Талын болон Хаан эрээн тахь зэрэгцэн нутагладаг.
Өвөрмөц судал, зан байдлаараа хүмүүст хамгийн их танигдсан амьтдын нэг юм. Эрээн тахь тал, саванна, мод, буттай газар, уул, эргийн дагуух нуруунд тархсан боловч хүний хүчин зүйл эрээн тахийн тоо толгойд ноцтой хохирол учруулсаар ирсэн. Ялангуяа арьсыг нь авах гэж авлах, амьдрах орчныг нь сүйтгэх зэргээр тоо толгойг нь хорогдуулсаар иржээ. Хаан ба Уулын эрээн тахь ховордсон амьтдын тоонд орсон бол Талын эрээн тахь олон тоо толгойтой. Харин түүний нэг дэд зүйл квагга XIX зууны сүүлээр устаж үгүй болсон билээ.
This article uses material from the Wikipedia Монгол article Эрээн тахь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.