Майкл Фарадейтэй эн зэрэгцэхүйц хэмжээнд үнэлэгддэг тэрээр α туяа болон β туяануудыг нээж, Резерфордын сарнилтаар атомын цөмийг илрүүлж, атомыг өөрчлөх зэрэг судалгаануудаараа "Цөмийн физикийн эцэг" гэгддэг билээ.
|
Нобелийн шагналтан | | Хүртсэн он: 1908 | Хүртсэн салбар: Хими | Шалтгаан: Химийн элементүүдийн задрал, цацраг идэвхт бодисуудын тухай судалгаагаараа | |
Резерфорд 1908 онд Нобелийн шагнал хүртсэн бөгөөд түүний шавь нараас 4 хүн тус шагналыг хүртсэн юм.
Шинэ Зеландын банкны тэмдэгт болох 100 долларын дэвсгэрт дээр түүний хөрөг заларсан байдаг.
Намтар
- 1871 - Шинэ Зеландын Нельсон хотын ойролцоох Брайтвотерт төржээ.
- 1889 - Кантаберийн коллеж (одоогийн Кантаберийн их сургууль)-ид элссэн.
- 1895 - Засгийн газрын тэтгэлгээр Английн Кэмбрижийн их сургуулийн Кавендишийн лабораторид судлаач болов.
- 1898 - Уранаас 2 төрлийн цацраг идэвх (α ба β туяа) ялгарч байгааг илрүүлсэн. Мэри Ньютонтой гэрлэв. Канадын Монреаль хот дахь МакГилл их сургуульд багш болсон.
- 1899 - α, β туяануудыг ялгах туршилт нь амжилттай болжээ
- 1900 - γ туяа нь цахилгаан соронзон долгион болохыг тодорхойлов. Фредерик Соддигийн хамтаар ради, тори, актинигийн судалгааг эхлүүлсэн байна.
- 1902 - Химийн элемент цацраг идэвхжлийн үр дүнд өөр элемент болон хувирдаг гэх онолоо дэвшүүлсэн.
- 1903 - Лондоны эзэн хааны нийгэмлэгийн гишүүн болжээ.
- 1907 - Манчестерийн их сургуулийн багш болсон.
- 1908 - Нобелийн шагнал хүртсэн.
- 1911 - Атомын цөмийн Резерфордын загварыг бий болгов.
- 1914 - Тайжийн хэргэм хүртэв.
- 1919 - Кавендишийн лабораторийн дарга болжээ.
- 1919 - α туяаг азотын атомтой мөргөлдүүлж атомын цөмийг өөрчилж чадав.
- 1920 - Нейтроныг байдаг болохыг таамаглаж хэлэв. Нейтроныг түүний шавь Жеймс Чадвик 1932 онд нээж, тэр амжилтаараа Нобелийн шагнал хүртсэн билээ. Мөн хүнд устөрөгчийг байж болохыг таамаглаж, судалж байв.
- 1925 - Лондоны эзэн хааны нийгэмлэгийн ерөнхийлөгчөөр сонгогдож, 1930 он хүртэл ажилласан.
- 1931 - Гүнгийн хэргэм хүртэж, Нельсоны барон болов.
- 1937 - Лондонд 66 насандаа нас нөгчив.
- 1997 - Атомын дугаар нь 104 болох элементийг Резерфорд гэж нэрлэжээ.
Мөн үзэх
Цахим холбоос
This article uses material from the Wikipedia Монгол article Эрнест Резерфорд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.