Клинт Иствүүд
Клинтон Иствүүд, бага (Англи: Clinton Clint Eastwood, Jr., 1930 оны тавдугаар сарын 31-нд төрсөн) нь Америкийн кино жүжигчин, кино найруулагч бөгөөд хөгжмийн зохиолч юм.
Америкийн кино академийн таван шагнал буюу Шилдэг найруулагч, Шилдэг бүтээл тус бүр хоёр удаа, Ирвинг Г. Талбергийн нэрэмжит шагналыг хүртэж кино урлагт оруулсан нөр их хөдөлмөрөө 2009 онд үнэлүүлэн Үндэсний одонгоор шагнуулсан байдаг.
| Клинт Иствүүд | |
|---|---|
 Клинт Иствүүд 2010 онд. | |
| Төрсөн | Клинтон Иствүүд, бага 1930 оны 5 сарын 31 АНУ, Калифорни, Сан-Франциско |
| Ажил | Жүжигчин, найруулагч, продюсер, улс төрч |
| Он жил | 1955–одоо |
Товч намтар
Клинт Иствүүд 1930 оны тавдугаар сарын 31-нд Сан-Францискод мэндэлжээ. Кино урлагт анхлан хөл тависан жилүүддээ вестерн төрлийн киноны эерэг дүрд тоглож байв. Харин найруулагч Сержио Леонетой хамтрах болсоноор нэр алдарт хүрэх замаа нээсэн гэхэд болно.
1960-1980 оны туршид вестерн адал явдалт кинонуудын ихэнхи төлөв дуу цөөтэй байдаг гол дүрүүдээрээ Клинт Иствүүд Холливүүдийн хамгийн алдартай жүжигчин болсон билээ. 1993 оноос буюу сүүлийн жилүүдэд найруулагчийн ажлаар уран бүтээлээ туурвиж 1992 болон 2004 онд Оскарын Шилдэг найруулагч болсон юм.
Төр засгаас хөдөлмөр бүтээлээ үнэлүүлсэн тухайд 2009 оны арваннэгдүгээр сарын 13-нд гуравдугаар зэргийн Алдрын легион одонгоор, түүнчлэн Ерөнхийлөгч Николя Саркозигийн зарлигаар Францын Дээд шагналаар шагнагдсан.
Бүтээлүүд
Шагналууд
Сонирхолтой баримтууд
- Ирээдүй рүү буцсан нь цувралын хоёрдугаар ангид Марти Макфлай Биффтэй уулзахаар очиход Биффийн зурагтаар Клинт Иствүүдийн тоглосон Атга алт киноноос сумнаас хамгаалсан төмөр хуягаа тайлж буй хэсэг гарч байдаг. Харин гуравдугаар ангид Марти 1885 оны Зэрлэг Өрнөдөд өөрийгөө "Клинт Иствүүд" гэж танилцуулан мөн төмөр хуягны үзэгдэлтэй хэсгийг дуурайн харуулдаг ба "Иствүүдийн хавцал" болон "Иствүүдийн гудамж" гэж гардаг.
- Ранго хүүхэлдэйн киноны үйл явдал мөн Иствүүдийн уран бүтээлтэй холбоотой байдаг.
Эшлэл
This article uses material from the Wikipedia Монгол article Клинт Иствүүд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.