കേരളത്തിലെ മലപ്പുറം ജില്ലയിലുള്ള ഒരു പട്ടണമാണ് പെരിന്തൽമണ്ണ.
കേരളത്തിലെ ഒരു നാട്ടുരാജ്യമായിരുന്ന വള്ളുവനാടിന്റെ തലസ്ഥാനമെന്ന പേരിൽ ചരിത്രപ്രാധാന്യമുള്ള ഇടമാണിത്. നൂറ്റാണ്ടുകളായി പെരിന്തൽമണ്ണക്ക് ചുറ്റുമുള്ള ഗ്രാമങ്ങൾ വാണിജ്യകേന്ദ്രങ്ങളായിരുന്നു. 1990 ഫെബ്രുവരി 10-നാണ് പെരിന്തൽമണ്ണ നഗരസഭ രൂപീകൃതമായത്. പെരിന്തൽമണ്ണ റവന്യൂ ഡിവിഷൻ്റെയും താലൂക്കിന്റെയും അതേ പേരിൽ ഒരു ബ്ലോക്ക്ൻ്റേയും ആസ്ഥാനം കൂടിയാണ് പെരിന്തൽമണ്ണ.
പെരിന്തൽമണ്ണ വലിയ തല്ല് (കായികാഭ്യാസം) നടന്ന മണ്ണ് | |
---|---|
നഗരം, മുൻസിപ്പാലിറ്റി | |
City of Perinthalmanna | |
മുനിസിപ്പൽ കോംപ്ലക്സ് സമുച്ചയം | |
Nickname(s): PMNA | |
രാജ്യം | ഇന്ത്യ |
സംസ്ഥാനം | കേരളം |
ജില്ല | മലപ്പുറം |
• ഭരണസമിതി | പെരിന്തൽമണ്ണ നഗരസഭ |
• ചെയർമാൻ | പി. ഷാജി (എൽ.ഡി.എഫ്) |
• വൈസ് ചെയർപേഴ്സൺ | നസീറ. എ |
• ആകെ | 34.41 ച.കി.മീ.(13.29 ച മൈ) |
(2011) നഗരസഭാ പരിധിയിലെ കണക്കാണിത് | |
• ആകെ | 49,723 |
• ജനസാന്ദ്രത | 1,400/ച.കി.മീ.(3,700/ച മൈ) |
• ഔദ്യോഗികം | മലയാളം, ഇംഗ്ലീഷ് |
സമയമേഖല | UTC+5:30 (IST) |
പിൻ കോഡ് | 679322 |
ടെലിഫോൺ കോഡ് | 04933 |
വാഹന റെജിസ്ട്രേഷൻ | KL-53 |
ലോക്സഭാ മണ്ഡലം | മലപ്പുറം ലോക്സഭാ നിയോജകമണ്ഡലം |
നിയമസഭാ മണ്ഡലം | പെരിന്തൽമണ്ണ നിയമസഭാമണ്ഡലം |
താലൂക്ക് | പെരിന്തൽമണ്ണ |
വെബ്സൈറ്റ് | http://www.perinthalmannamunicipality.lsgkerala.gov.in/ |
മലപ്പുറം ജില്ലയിൽ പെരിന്തൽമണ്ണ താലൂക്കിലാണ് പെരിന്തൽമണ്ണ മുനിസിപ്പാലിറ്റി സ്ഥിതി ചെയ്യുന്നത്. പെരിന്തൽമണ്ണ, പാതായിക്കര എന്നീ രണ്ടു വില്ലേജുകളിലായി വ്യാപിച്ചുകിടക്കുന്ന പെരിന്തൽമണ്ണ നഗരസഭയ്ക്ക് 34.41 ചതുരശ്ര കിലോമീറ്റർ വിസ്തീർണ്ണമുണ്ട്. 1933-ൽ പെരിന്തൽമണ്ണ പഞ്ചായത്തായി. പിന്നീട് 1990 ഫെബ്രുവരി 10-ന് മുനിസിപ്പാലിറ്റിയായി ഉയർത്തപ്പെട്ടു. വടക്കുഭാഗത്ത് അങ്ങാടിപ്പുറം, വെട്ടത്തൂർ പഞ്ചായത്തുകളും, കിഴക്കുഭാഗത്ത് താഴെക്കോട്, ആലിപ്പറമ്പ് പഞ്ചായത്തുകളും, തെക്കുഭാഗത്ത് ഏലംകുളം പഞ്ചായത്തും, പടിഞ്ഞാറുഭാഗത്ത് അങ്ങാടിപ്പുറം പഞ്ചായത്തുമാണ് പെരിന്തൽമണ്ണ നഗരസഭയുടെ അതിരുകൾ . ഭൂപ്രകൃതിയനുസരിച്ച് പെരിന്തൽമണ്ണ നഗരസഭയെ ഉയർന്ന സമതലം, ചെറിയ ചെരിവ്, ഇടത്തരം ചെരിവ്, കുത്തനെയുള്ള ചെരിവ്, സമതലം, താഴ്വര, വെള്ളം കയറുന്ന താഴ്ന്ന സ്ഥലം എന്നിങ്ങനെ ഏഴു ഭാഗങ്ങളായി തരം തിരിക്കാം. ചെങ്കല്ല് (ലാറ്ററൈറ്റ്), എക്കൽമണ്ണ്, ഗ്രാനൈറ്റ് എന്നിവയാണ് ഇവിടെ കാണപ്പെടുന്ന പ്രധാന മണ്ണിനങ്ങൾ . മലപ്പുറം ജില്ലയിൽ അതിദ്രുതം വികസിച്ചുകൊണ്ടിരിക്കുന്ന വാണിജ്യകമ്പോളവും നഗരവുമാണ് പെരിന്തൽമണ്ണ. പുരാതന വള്ളുവനാട് ദേശത്തിന്റെ ഹൃദയമായിരുന്നു പെരിന്തൽമണ്ണ. ജ്ഞാനപ്പാനയുടെ കർത്താവായ പൂന്താനം നമ്പൂതിരിയുടെ ഇല്ലവും ഇ.എം.എസ് നമ്പൂതിരിപ്പാടിന്റെ ജന്മസ്ഥലമായ ഏലംകുളവും പെരിന്തൽമണ്ണക്കടുത്താണ്. ആസ്പത്രികളുടെ നഗരം എന്ന് പെരിന്തൽമണ്ണ അറിയപ്പെടുന്നു[അവലംബം ആവശ്യമാണ്]. നാല് സൂപ്പർ സ്പെഷ്യാലിറ്റി ആസ്പത്രികൾ പെരിന്തൽമണ്ണയിൽ പ്രവർത്തിക്കുന്നുണ്ട്. ഇതിനുപുറമേ ഒരു മെഡിക്കൽ കോളേജും ചെറുതും ഇടത്തരവും ആയ നിരവധി ആശൂപത്രികളും ക്ലിനിക്കുകളും ഇവിടെ പ്രവർത്തിക്കുന്നു. ദക്ഷിണേന്ത്യയിലെ ഏറ്റവും വലിയ സഹകരണ ആസ്പത്രിയായ ഇ.എം.എസ് സ്മാരക ആശുപത്രി ഇവിടെയാണുള്ളത്. കൂടാതെ രാമദാസ്,അൽശിഫ, മൗലാന, എം ഇഎസ്, ഗവ. ജില്ലാശുപത്രി, അൽസലാമ എന്നിവ സ്ഥിതി ചെയ്യുന്നു.
വള്ളുവകോനാതിരിയുടെ സേനാനായകനായിരുന്ന കക്കൂത്ത് നായരുടെ അധ്യക്ഷതയിൽ പണ്ടുകാലത്ത് വർഷം തോറും ഇവിടെ കായികാഭ്യാസപ്രകടനം അഥവാ പെരുംതല്ല് മത്സരം അരങ്ങേറിയിരുന്നു. ഇന്നത്തെ അങ്ങാടിപ്പുറത്തിന് കിഴക്കുഭാഗത്തായി സ്ഥിചെയ്യുന്ന സ്ഥലത്തായിരുന്നു ഈ കായികാഭ്യാസം (പെരുംതല്ല്) നടന്നിരുന്നത്. “പെരും തല്ല്” നടന്നിരുന്ന സ്ഥലമാണ് പിന്നീട് പെരിന്തൽമണ്ണയായത്.
പെരിന്തൽമണ്ണ നഗരസഭയാണ് നഗരത്തിൻ്റെയും പ്രാന്തപ്രദേശങ്ങലുടെയും ഭരണം നടത്തുന്നത്. ഭരണസൗകര്യത്തിനായി 34 വാർഡുകൾ ആയി തിരിച്ചിട്ടുണ്ട്. ഓരോ വാർഡിൽ നിന്നും ആ വാർഡിലെ സമ്മദിതായകർ അവരുടെ കൗൺസിലറെ തിരഞ്ഞെടുക്കുന്നു. ഭൂരിപക്ഷം നഗരസഭാംഗങ്ങൾ ഉള്ള മുന്നണി അല്ലെങ്കിൽ കക്ഷി ആണ് ഭരണം നടത്തുന്നത്. ചെയർപേഴ്സൺ, വൈസ് ചെയർപേഴ്സൺ എന്നിവരാണ് ഭരണത്തിന് നേതൃത്വം നൽകുന്നത്. കൗൺസിലർമാർ ആണ് ഇവരെ തിരഞ്ഞെടുക്കുന്നത്. നിലവിൽ ഇടതു പക്ഷ ജനാധിപത്യ മുന്നണിയാണ് ഭരണം നടത്തുന്നത്. ശ്രീ. പി. ഷാജി ആണ് നഗരസഭാധ്യക്ഷൻ. ശ്രീമതി. എ. നസീറ ആണ് വൈസ് ചെയർപേഴ്സൺ.
പെരിന്തൽമണ്ണ മുനിസിപ്പാലിറ്റിയിൽ 34 വാർഡുകൾ ഉൾക്കൊള്ളുന്നു.വാർഡുകൾ താഴെ കൊടുത്തിരിക്കുന്നു :
വാർഡ് നമ്പർ | പേര് | വാർഡ് നമ്പർ | പേര് |
---|---|---|---|
1 | ചീരട്ടമണ്ണ | 2 | മാനത്തുമംഗലം |
3 | കക്കൂത്ത് | 4 | വലിയങ്ങാടി |
5 | കുളിർമല | 6 | ചെമ്പങ്കുന്ന് |
7 | കുമരകുളം | 8 | ലക്ഷം വീട് |
9 | ഇടുക്കുമുഖം | 10 | മനഴി സ്റ്റാൻഡ് |
11 | പഞ്ചമ | 12 | കുട്ടിപ്പാറ |
13 | മനപ്പടി | 14 | പാതയ്ക്കര യുപി സ്കൂൾ |
15 | കോവിലകംപടി | 16 | ഒലിങ്കര |
17 | കിഴക്കേക്കര | 18 | തെക്കേക്കര |
19 | അനാതനം | 20 | പടിഞ്ഞാറേക്കര |
21 | കുന്നപ്പള്ളി സൗത്ത് | 22 | കളത്തിലക്കര |
23 | മാറുകര പറമ്പ് | 24 | വളയം മൂച്ചി |
25 | അസാരിക്കര | 26 | തോട്ടക്കര |
27 | ജെ എൻ റോഡ് | 28 | ജെ എൻ റോഡ് സെൻട്രൽ |
29 | തേക്കിൻകോഡ് | 30 | കാവുങ്ങൽ പറമ്പ് |
31 | പുത്തൂർ | 32 | സംഗീത |
33 | ആലിക്കൽ | 34 | ലെമൺ വാലി |
പെരിന്തൽമണ്ണ പോലീസ് സ്റ്റേഷൻ നഗരത്തിൻ്റെ ഹൃദയഭാഗത്ത് ആണ് സ്ഥിതി ചെയ്യുന്നത്. പെരിന്തൽമണ്ണ നഗരവും സമീപ പഞ്ചായത്തുകളായ താഴേക്കോട്, ആലിപ്പറമ്പ്, ഏലംകുളം, അങ്ങാടിപ്പുറം, പുലാമന്തോൾ എന്നിവയും ഈ സ്റ്റേഷൻ പരിധിയിൽ വരുന്നു. മലപ്പുറം ജില്ലാ പോലീസിൻ്റെ പെരിന്തൽമണ്ണ സബ് ഡിവിഷൻ കാര്യാലയവും ഇവിടെയാണ് സ്ഥിതി ചെയ്യുന്നത്. നഗരത്തിലെ ഗതാഗത നിയന്ത്രണത്തിനും ഗതാഗത നിർവഹണത്തിന് മായി പ്രത്യേക ട്രാഫിക് പോലിസ് യൂണിറ്റുമുണ്ട്.
മലപ്പുറം ലോക്സഭാ നിയോജകണ്ഡലത്തിൽ ഉൾപ്പെട്ട ഒരു നിയമസഭാ മണ്ഡലമാണ് പെരിന്തൽമണ്ണ. പെരിന്തൽമണ്ണ നിയമസഭാ മണ്ഡലത്തിൽ ഇനി പറയുന്ന തദ്ദേശസ്വയംഭരണസ്ഥാപനങൾ ഉൾപ്പെടുന്നു: പെരിന്തൽമണ്ണ നഗരസഭ, താഴെക്കോട്, ആലിപ്പറമ്പ്, ഏലംകുളം, മേലാറ്റൂർ, പുലാമന്തോൾ, വെട്ടത്തൂർ എന്നീ ഗ്രാമഞ്ചായത്തുകൾ. നിലവിലെ എം.എൽ. എ. മുസ്ലിം ലീഗിൻ്റെ ശ്രീ. നജീബ് കാന്തപുരം ആണ്. നിലവിലെ എം.പി. ശ്രീ. അബ്ദു സമദ് സമദാനി ആണ്. മുസ്ലിം ലീഗും, കോൺഗ്രസും, സിപിഐഎമ്മും ആണ് പ്രധാന രാഷ്ട്രീയ കക്ഷികൾ.
പെരിന്തൽമണ്ണയുടെ സമീപ ഗ്രാമങ്ങളുടെ ഭരണത്തിനും വികസനത്തിനുമായി പെരിന്തൽമണ്ണ ബ്ലോക്ക് പഞ്ചായത്തും, അതാത് ഗ്രാമപഞ്ചായത്തുകളുമുണ്ട്.
താഴെപ്പറയുന്ന ഗ്രാമപഞ്ചായത്തുകളുടെ ബ്ലോക്ക് തല ഭരണത്തിന്റെ ചുമതലയുള്ള തദ്ദേശ സ്വയംഭരണ സ്ഥാപനമാണ് പെരിന്തൽമണ്ണ ബ്ലോക്ക് പഞ്ചായത്ത്:
കോഴിക്കോട് - പാലക്കാട് ദേശീയപാത 966 കടന്നുപോകുന്നത് പെരിന്തൽമണ്ണയിലൂടെയാണ്. കോഴിക്കോട്-മലപ്പുറം-പെരിന്തൽമണ്ണ-പാലക്കാട് ദേശീയ പാത 966-ന്റെ മധ്യഭാഗത്തായി മലപ്പുറം നഗരത്തിൽ നിന്ന് 23 കിലോമീറ്റർ (14 മൈൽ) തെക്കുപടിഞ്ഞാറായാണ് ഈ പട്ടണം സ്ഥിതി ചെയ്യുന്നത്.
ഒരു കെഎസ്ആർടിസി സബ് ഡിപ്പോയും മൂന്ന് സ്വകാര്യ ബസ് സ്റ്റാൻഡുകളുമാണ് നഗരത്തിന് സൗകര്യമൊരുക്കുന്നത്.
നിലമ്പൂർ-ഷൊറണൂർ തീവണ്ടി പാതയിൽ പെരിന്തൽമണ്ണയ്ക്ക് സമീപം മൂന്ന് സ്റ്റേഷനുകളുണ്ട്: ടൗണിൽ നിന്ന് 2.5 കി.മീ (1.6 മൈൽ) പടിഞ്ഞാറ് അങ്ങാടിപ്പുറത്ത് ഒരു പ്രധാന സ്റ്റേഷൻ, പട്ടിക്കാട്, ചെറുകര എന്നിവിടങ്ങളിൽ രണ്ട് ചെറിയ സ്റ്റേഷനുകൾ.
പെരിന്തൽമണ്ണയ്ക്ക് ഏറ്റവും അടുത്തുള്ള വിമാനത്താവളം കൊണ്ടോട്ടിയിൽ നിന്ന് 45 km (28 mi) അകലെയുള്ള കരിപ്പൂർ വിമാനത്താവളമാണ്.
This article uses material from the Wikipedia മലയാളം article പെരിന്തൽമണ്ണ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.