പുതുവത്സരം യുഗാദി

കേരളീയർക്ക് വിഷു എന്നപോലെ വളരെ ആഘോഷപൂർവം ഇത് കൊണ്ടാടുന്നു. മഹാവിഷ്ണുവിന്റെ ഒൻപതാമത്തെ അവതാരമായി കരുതപ്പെടുന്ന ശ്രീ കൃഷ്ണൻ മരിച്ച ദിവസം ആരംഭിച്ച കലിയുഗത്തിന്റെ തുടക്കമായിട്ടാണ് യുഗാദി കണക്കാക്കപ്പെടുന്നത്. വിവിധ തരത്തിലുള്ള ഭക്ഷണപദാർത്ഥങ്ങൾ ഈ അവസരത്തിൽ ഉണ്ടാക്കുന്നു. യുഗാദി പച്ചടി എന്ന് തെലുങ്കിലും ബേബു ബെള്ള എന്ന് കന്നഡത്തിലും അറിയപ്പെടുന്ന ഒരുതരം പാനീയം ഈ സമയത്ത് വളരെ പ്രാധാന്യത്തോടെ ഉണ്ടാക്കിവരുന്നു. മാങ്ങ, പുളി, ശർക്കര, ഉപ്പ്, മുളക്, വേപ്പിൻ പൂവ് എന്നിവ യഥാവിധം ചേർത്താണ് ഈ ഭക്ഷണ പദാർത്ഥം ഉണ്ടാക്കുന്നത്.

യുഗാദി (ഉഗാദി)
യുഗാദി പച്ചടിയോടു കൂടിയ പുതുവത്സര പൂജാപാത്രം
ഇതരനാമം	ഉഗാദി, തെലുഗു പുതുവർഷദിനം, കന്നഡ പുതുവർഷദിനം
ആചരിക്കുന്നത്	ആന്ധ്രാ, തെലുങ്കാന, കർണാടക സംസ്ഥാനങ്ങളിലെ ഹൈന്ദവർ
തരം	മതപരം, സാമൂഹികം, സാംസ്കാരികം
ആഘോഷങ്ങൾ	മുഗ്ഗു രംഗോലി, ക്ഷേത്രദർശനം , ഹോളിഗേയും ബേവു-ബെല്ലയും ചേർന്ന വിഭവസമൃദ്ധമായ സദ്യ
തിയ്യതി	ചൈത്രമാസ, ശുക്ല പക്ഷ, പ്രഥമ തിഥി
2023-ലെ തിയ്യതി	22 മാർച്ച് (ബുധൻ)
ആവൃത്തി	എല്ലാ വർഷവും

യുഗാരംഭം എന്ന അർത്ഥത്തിൽ സംസ്കൃത വാക്കുകളായ യുഗ, ആദി എന്നീ വാക്കുകൾ കൂടിച്ചേർന്ന് യുഗാദി എന്നു പറയുകയും പിന്നീടത് മാറി ഉഗാദിയായി^{[അവലംബം ആവശ്യമാണ്]} മാറുകയും ചെയ്തതാണ്.