മൗഡ് മെന്റൻ ഹിസ്റ്റോ കെമിസ്ട്രിയിലും, എൻസൈം കൈനെറ്റിക്സിലും വളരെയധികം സംഭാവനകൾ നൽകിയ കനേഡിയൻ ഫിസിഷ്യൻ സയന്റിസ്റ്റ് ആയിരുന്നു.
ബയോകെമിസ്ട്രിയിലെ മൈക്കെലിസ്-മെന്റെൻ ഇക്വാഷൻ മൗഡ് മായി ബന്ധപ്പെട്ടിട്ടുള്ളതാണ്. ഒണ്ടാരിയോവിലെ പോർട്ട് ലാംപ്ടൺ ലാണ് മൗഡ് മെന്റൻ ജനിച്ചത്. ടൊറോൻടോ സർവ്വകലാശാലയിൽ നിന്ന് മെഡിസിൻ വിദ്യാഭ്യാസം നേടി. (B.A. 1904, M.B. 1907, M.D. 1911). കാനഡയിൽ നിന്ന് മെഡിസിൻ ഡോക്ടറേറ്റ് നേടുന്ന ആദ്യവനിതയായിരുന്നു മൗഡ് .
മൗഡ് മെന്റൻ | |
---|---|
ജനനം | 20 മാർച്ച് 1879 |
മരണം | ജൂലൈ 26, 1960 ലീമിംഗ്ടൺ, ഒന്റാറിയോ, കാനഡ | (പ്രായം 81)
ദേശീയത | കനേഡിയൻ |
അറിയപ്പെടുന്നത് | Michaelis-Menten equation, contributions to enzyme kinetics and histochemistry |
ശാസ്ത്രീയ ജീവിതം | |
സ്ഥാപനങ്ങൾ |
|
പ്രബന്ധം | The Alkalinity of the Blood in Malignancy and Other Pathological Conditions; Together with Observations on the Relation of the Alkalinity of the Blood to Barometric Pressure (1916) |
ചിക്കാഗോ സർവ്വകലാശാലയിൽ നിന്നാണ് തീസിസ് പൂർണ്ണമാക്കിയത്. അക്കാലത്ത് കാനഡ സർവ്വകലാശാലയിൽ വനിതകൾക്ക് ഗവേഷണം നടത്താൻ അനുമതിയില്ലായിരുന്നു. അതിനാൽ മൗഡ് യുണൈറ്റഡ് സ്റ്റേറ്റ്സിലോ ജർമ്മനിയിലോ ഗവേഷണം നടത്താൻ തീരുമാനിച്ചു. 1912 -ൽ ലിയോനർ മൈക്കെലിസുമായി ചേർന്ന് 'Biochemische Zeitschrift എന്ന വിഷയത്തിൽ ഗവേഷണം നടത്താനായി മൗഡ് ബെർലിനിലേയ്ക്കു മാറി. ഈ വിഷയത്തിൽ എൻസൈം കാറ്റലൈസ്ഡ് റിയാക്ഷന്റെ നിരക്ക് എൻസൈം സബ്സ്ട്രാക്റ്റ് കോംപ്ലക്സിന്റെ അളവുമായി നേർ അനുപാതത്തിലായിരിക്കും. ഇതാണ് മൈക്കെലിസ്-മെന്റെൻ ഇക്വാഷൻ എന്നറിയപ്പെടുന്നത്.
ജർമ്മനിയിൽ മൈക്കെലിസുമായി ചേർന്നുള്ള പഠനത്തിനുശേഷം 1916-ൽ ചിക്കാഗോ സർവ്വകലാശാലയിൽ നിന്ന് ഡോക്ടറേറ്റ് നേടി. പിറ്റ്സ്ബർഗ് സർവ്വകലാശാലയിലെ (1923–1950) മെന്റൻന്റെ തീസിസിന്റെ തലക്കെട്ട് ദ ആൽക്കലിനിറ്റി ഓഫ് ദ ബ്ലഡ് ഇൻ മാലിഘ്നൻസി ആൻഡ് അദർ പാത്തോളജിക്കൽ കണ്ടീഷൻസ്; ടുഗെതർ വിത്ത് ഒബ്സർവേഷൻസ് ഓൺ ദ റിലേഷൻ ഓഫ് ദ ആൽക്കനിറ്റി ഓഫ് ദ ബ്ലഡ് ടു ബാരോമാറ്റിക് പ്രെഷർ ഇതായിരുന്നു.
മൗഡ് മെന്റൻ പിറ്റ്സ്ബർഗിലെ കുട്ടികളുടെ ആശുപത്രിയിൽ പാത്തോളജി വിഭാഗത്തിലെ ഹെഡും മെഡിസിൻ സ്ക്കൂളിലെ അസിസ്റ്റന്റ് പ്രൊഫസറും, അസോസിയേറ്റ് പ്രൊഫസറും ആയിരുന്നു. 1948-ൽ 69-ാമത്തെ വയസ്സിൽ ഔദ്യോഗികജീവിതത്തിന്റെ വിരാമഘട്ടത്ത് പ്രൊഫസർ ആയി ഔദ്യോഗികക്കയറ്റം അവർക്ക് ലഭിക്കുകയുണ്ടായി. അവരുടെ അവസാന അക്കാഡമിക് നിയമനം ബ്രിട്ടീഷ് കൊളംബിയ മെഡിക്കൽ റിസേർച്ച് ഇൻസ്റ്റിറ്റ്യൂട്ടിൽ റിസേർച്ച് ഫെല്ലോ ആയിരുന്നു.
മെന്റൻ കുടുംബം ഹാരിസൺ മില്ലിലേക്ക് താമസം മാറ്റി. അവിടെ മൗദിന്റെ അമ്മ പോസ്റ്റ്മിസ്ട്രസ് ആയി ജോലി ചെയ്തിരുന്നു. സെക്കൻഡറി സ്കൂൾ വിദ്യാഭ്യാസം പൂർത്തിയാക്കിയ മെന്റൻ ടൊറന്റോ സർവകലാശാലയിൽ ചേർന്നു. അവിടെ 1904 ൽ ആർട്സ് ബിരുദവും 1907-ൽ ഫിസിയോളജിയിൽ ബിരുദാനന്തര ബിരുദവും നേടി. ബിരുദാനന്തര ബിരുദം നേടുന്നതിനിടയിൽ, സർവ്വകലാശാലയുടെ ഫിസിയോളജി ലാബിൽ ഒരു ഡെമൻസ്റ്റ്റേറ്റർ ആയി ജോലി ചെയ്തു.
മെന്റൻ തന്റെ മെഡിക്കൽ ഗവേഷണം കൂടുതൽ നടത്താൻ ആഗ്രഹിച്ചതിനാൽ, കാനഡയിൽ അവസരങ്ങൾ സ്ത്രീകൾക്ക് വിരളമാണെന്ന് അവർ കണ്ടെത്തി. തൽഫലമായി റോക്ക്ഫെല്ലർ ഇൻസ്റ്റിറ്റ്യൂട്ട് ഫോർ മെഡിക്കൽ റിസർച്ചിൽ ഫെലോഷിപ്പ് സ്വീകരിച്ച് 1907 ൽ ന്യൂയോർക്ക് സിറ്റിയിലേക്ക് പുറപ്പെട്ടു; എലികളിലെ കാൻസർ മുഴകളിൽ റേഡിയം ബ്രോമൈഡിന്റെ സ്വാധീനം അവർ അവിടെ പഠിച്ചു. റോക്ക്ഫെല്ലർ ഇൻസ്റ്റിറ്റ്യൂട്ടിന്റെ ആദ്യത്തെ മോണോഗ്രാഫ് നിർമ്മിച്ച് മെന്റനും മറ്റ് രണ്ട് ശാസ്ത്രജ്ഞരും അവരുടെ പരീക്ഷണ ഫലങ്ങൾ പ്രസിദ്ധീകരിച്ചു. മെന്റൻ ന്യൂയോർക്ക് ഇൻഫർമറി ഫോർ വുമൺ ആന്റ് ചിൽഡ്രനിൽ ഇന്റേണറായി ജോലി നോക്കി. ഇൻസ്റ്റിറ്റ്യൂട്ടിൽ ഒരു വർഷത്തിനുശേഷം, മെന്റൻ കാനഡയിലേക്ക് മടങ്ങി ടൊറന്റോ സർവകലാശാലയിൽ പഠനം ആരംഭിച്ചു, അവിടെ 1911 ൽ മെഡിക്കൽ ഡോക്ടറായി യോഗ്യത നേടിയ ആദ്യത്തെ കനേഡിയൻ വനിതകളിൽ ഒരാളായി.
അനസ്തേഷ്യ സമയത്ത് ആസിഡ്-ബേസ് ബാലൻസ് നിയന്ത്രിക്കുന്നതിനായി പ്രശസ്ത ശസ്ത്രക്രിയാ വിദഗ്ധൻ ജോർജ്ജ് ക്രൈലിനൊപ്പം 1912-ൽ മെന്റൻ വൈദ്യശാസ്ത്ര ഗവേഷണത്തിലേക്ക് തിരിച്ചുവന്നു. ഈ സമയത്താണ് അവൾ ലിയോനർ മൈക്കിളിസുമായി പരിചയപ്പെടുന്നത്, പിഎച്ച്, ബഫറുകൾ എന്നിവയിൽ ലോകത്തെ മുൻനിര വിദഗ്ധരിൽ ഒരാളായി അദ്ദേഹം അറിയപ്പെട്ടു.. ബെർലിനിൽ മിതമായ ലബോറട്ടറി സ്ഥാപിച്ചിട്ടും മൈക്കിളിസിന്റെ എൻസൈം കൈനറ്റിക്സിന്റെ ആദ്യകാല പ്രവർത്തനങ്ങളിൽ മെന്റൻ ആകർഷിക്കപ്പെട്ടു. ഒപ്പം മൈക്കിളിസിനൊപ്പം പ്രവർത്തിക്കാൻ കടൽ കടക്കാനുള്ള പ്രയാസകരമായ തീരുമാനമെടുത്തു. ജർമ്മനിയിലെ മെന്റന്റെ ആദ്യ വർഷങ്ങളിൽ സാമ്പത്തികവും സാമൂഹികവുമായ ബുദ്ധിമുട്ടുകൾ നേരിടേണ്ടിവന്നു, ജീവിതവും യാത്രാച്ചെലവും വഹിക്കുന്നതിനായി ബെർലിൻ ആശുപത്രിയിൽ ശമ്പളമുള്ള സ്ഥാനം നേടി, ആദ്യമായി ബെർലിനിൽ വന്നപ്പോൾ ജർമ്മൻ പഠിക്കാൻ തുടങ്ങി.
This article uses material from the Wikipedia മലയാളം article മൗഡ് മെന്റൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.