Paris: Hööftstadt vun Frankriek

Wapen/Flagg	Koort
Fluctuat nec mergitur
Basisdaten
Region: Île-de-France (chef-lieu) département: Paris (75)
Flach:	105,40 km²
Inwahners:	2.243.833 (2010-00-002010)
Inwahnerdicht:	21.288,7 Inwahners pro km²
Postleettall:	F-75001 - F-75020, F-75116
Vörwahl:	75001–75020 un 75116
Geograafsche Laag:	48° 31′ N, 2° 13′ O
Grenzen bi OSM:	7444
Gemeenslötel:	75056
Öörd in de Gemeen:	20 Arrondissements
Börgermeester:	[
Websteed:	www.paris.fr

Paris (franzöösch Paris [pa.ˈʁi]) is de Hööftstadt vun Frankriek. De Stroom Seine deelt de Stadt up in en nöördlichen ("rive droite") un en süüdlichen ("rive gauche") Deel. tadt is indeelt in 20 nummereerte Rebeeden, de "Arondissemangs" nöömt warrt, un hett bi de 2,2 Millionen Inwohners (Stand: 2013). Man dat gellt bloß för de Stadtgrenz vun 1859. Hüdigendags is Paris dor duchtig över rutwussen, un wat as Paris ut den Weltall to sehn is, hett üm de 12 Millionen Inwohners.

Los güng dat mit Paris, as de Kelten vun'n Stamm "Parisii" up de Seine-Insel, wat vundag Ile de la Cité heet, dat Dörp Lutuhezi boot hefft. Na de Eroberung dörch de Römers weer dat Dörp as Lutetia utboot un befestigt. De franksche Keunig Chlodwig hett dat 508 to de Hööftstadt vun sien Riek maakt.

Sied 1977 hett Paris een Börgermeester, de vun de Staatraat wählt warrt. Do de Stadt Paris togliek datt Département Paris is, hett de Börgermeester ok de Funktion vun'e Präsident vun'e Generalraat.

Börgermeester is sied de 18. März 2001 Bertrand Delanoë vun de Parti socialiste (PS).

Börgermeesters vun Paris:

• Jean-Sylvain Bailly (15. Juli 1789–18. November 1791)
• Jérôme Pétion (18. November 1791–15. Oktober 1792)
• Philibert Borie (7. Juli 1792–13. Juli 1792)
• René Boucher (15. Oktober 1792–2. Dezember 1792)
• Nicolas Chambon (8. Dezember 1792–2. Februar 1793)
• Jean-Nicolas Pache (14. Februar 1793–10. Mai 1794)
• Jean-Baptiste Fleuriot-Lescot (10. Mai 1794–17. Juli 1794)
• Louis-Antoine Garnier-Pagès (24. Februar 1848–5. März 1848)
• Armand Marrast (9. März 1848–19. Juli 1848)
• Étienne Arago (4. September 1870–15. November 1870)
• Jules Ferry (15. November 1870–5. Juni 1871)
• Jacques Chirac (20. März 1977–16. Mai 1995)
• Jean Tiberi (22. Mai 1995–18. März 2001)
• Bertrand Delanoë (18. März 2001-5. April 2014)
• Anne Hidalgo (vun'n 5. April 2014 af an).

• Dat Bild vun de Stadt, wat an besten kennt warrt, is de Eiffeltoorn, een Stahlkonstruktschon vun'n Johr 1889.
• Louvre - Museum
• Champs-Elysées - Prachtstraat
• Arc de Triomphe (Triumphbogen)
• Sacré Coeur - Kark
• Notre Dame - Kathedrale
• Invalidendom mit Graffsteed vun Napoléon
• Musée d'Orsay - Museum vun bekannte impressionistische Malers
• Palais de la Découverte - Wetenschapsmuseum

In'n Vörort Versailles in den Südwesten vun Paris liggt dat Slott Versailles.

De Premierministers, de in Paris boren sünd, sünd: Jacques Chirac, Laurent Fabius, Jacques Chaban-Delmas, Michel Debré, Félix Gaillard, Pierre Mendès-France, René Mayer, Léon Blum, Pierre Étienne Flandin, Camille Chautemps, André Tardieu, Paul Painlevé, Frédéric François-Marsal, Alexandre Millerand, Léon Bourgeois, Jean Casimir-Périer, Albert de Broglie, Ernest Courtot de Cissey, Charles Cousin-Montauban, Comte de Palikao, Louis Eugène Cavaignac, Louis, comte Molé, Victor de Broglie, Armand-Emmanuel du Plessis, Duc de Richelieu, Charles Maurice de Talleyrand.

• Websteet vun'e Stadtverwaltung (franzöösch)
• Websteed vun'e Tourismus-Organisatschoon (franzöösch)