Биологија Ред

Други застапени рангови се животот (живиот свет), доменот, царството, коленото, класата, семејството, родот и видот. Родот е сместен помеѓу класата и фамилијата, и има свои надрангови: надред и магноред, како и свои подрангови: подред, инфраред и парворед.

---

Хиерархијата на осумте главни таксономски рангови во биолошката класификација. Поситните меѓурангови не се прикажани.

На пример, оревот и хикоријата ѝ припаѓаат на фамилијата Ореви (Juglandaceae), која спаѓа во редот Букои (Fagales).

Определувањето на членовите на редовите е работа на таксономите. Честопати се поставува прашањето дали воопшто да се признае некој ред. Во голем број случаи таксономите не го делат истото мислење. Бидејќи не постојат строго утврдени правила што мора да се следат при опишувањето или признавањето на редовите, некои таксони се признаени насекаде, додека пак други наоѓаат поддршка мошне ретко.

Кај некои организми се користат доследни наставки за да се означи дека таксонот е ред. Во научните називи на птиците и рибите се користи латинската наставка -(i)formes (соодветна на македонската наставка „-видни“), но ова не е случај кај цицачите и без‘рбетниците. Редовите на цевчести (васкуларни) растенија се означуваат со наставката -ales (за множина, но понекогаш и придавни наставки како „-сти“, „-ни“ и др).

Во нивниот труд за класификацијата на цицачите (1997), научниците Мекена и Бел користат уште две клади помеѓу надред и ред: „велеред“ (grandorder) и мироред (mirorder).

• Кладистика
• Филогенетика
• Систематика
• Таксономија
• Биолошка класификација