Финска е состои од 19 региони (фин.
maakunta, швед. landskap). Со нив раководат регионални совети, кои служат како форуми за регионална соработка помеѓу општините во регионот. Главна задача на регионите е локално планирање и развој на претприемаштвото и образованието и здравството. Регионалните совети се избираат од општинските совети, со исклучок на регионот Каину, чиј совет се бира со народни избори. Бројот на пратеници на една општина во регионалниот совет зависи од бројноста на нејзиното население.
Покрај меѓуопштинската соработка во надлежност на регионалните совети, секој регион има и свој Центар за вработување и економски развој, надлежен да раководи со работната сила, земјоделството, риболовот, шумарството и претприемачки проблематики. Одбранбените сили на Финска имаат регионални служби надлежни за народната одбрана и заштита и регрутирањето за служење на воен рок.
Регионите подобро ги претставуваат културните, лингвистичките и стопанските различности од поранешните покраини, кои биле чисто административни единици на централната власт. Во минатото регионите биле единици во состав на историските покраини, чија поделба највеќе се темелела на наречја и култура.
Во 2010 се создадени шест државни обласни управни служби (Etelä-Suomi, Itä-Suomi, Lounais-Suomi, Länsi-ja Sisä-Suomi, Pohjois-Suomi, Lappi) кои се надлежни за шест области (фин. alue, швед. region) и Оланд како седма. Предивдени се да ги преземат и прилагодат надлежностите на шесте укинати покраини (lääni).
Грб | Име | Фински | Шведски | Админ. центар | Карта |
---|---|---|---|---|---|
Лапонија | Lappi | Lappland | Рованиеми | ||
Северна Остроботнија | Pohjois-Pohjanmaa | Norra Österbotten | Оулу | ||
Каину | Kainuu | Kajanaland | Кајани | ||
Северна Карелија | Pohjois-Karjala | Norra Karelen | Јоенсу | ||
Северна Савонија | Pohjois-Savo | Norra Savolax | Куопио | ||
Јужна Савонија | Etelä-Savo | Södra Savolax | Микели | ||
Јужна Остроботнија | Etelä-Pohjanmaa | Södra Österbotten | Сеинајоки | ||
Средна Остроботнија | Keski-Pohjanmaa | Mellersta Österbotten | Кокола | ||
Остроботнија | Pohjanmaa | Österbotten | Васа | ||
Пирканма | Pirkanmaa | Birkaland | Тампере | ||
Сатакунта | Satakunta | Satakunda | Пори | ||
Средна Финска | Keski-Suomi | Mellersta Finland | Јиваскила | ||
Исконска Финска | Varsinais-Suomi | Egentliga Finland | Турку | ||
Јужна Карелија | Etelä-Karjala | Södra Karelen | Лапенранта | ||
Пеијене Тавастија | Päijät-Häme | Päijänne Tavastland | Лахти | ||
Исконска Тавастија | Kanta-Häme | Egentliga Tavastland | Хаменлина | ||
Усима | Uusimaa | Nyland | Хелсинки | ||
Кименлаксо | Kymenlaakso | Kymmenedalen | Коувола | ||
Оланд | Ahvenanmaa | Åland | Мариехамн |
Регионот Источна Усима е припоен кон Усима на 1 јануари 2011.
„Региони во Финска“ на Ризницата ? |
This article uses material from the Wikipedia Македонски article Региони во Финска, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.