Приднестровие: де факто независна територија од Молдавија

Опфаќа површина од 4.163 км², но поради географската положба, со реката Днестар има граница долга 816 км, па поради тоа личи на остров долг 400, а широк 10 км. Вкупното население е 642.000, претежно од словенско, романско и туркиско потекло (30% Руси, 29% Украинци, 34% Молдавци, остатокот го сочинуваат Гагаузи, Бугари и Полјаци). Со административно-територијалната поделба на Молдавија, територијата на Приднестровската Молдавска Република во уставот на Молдавија се јавува како Автономна територија формирана со посебен статус на Приднестровие во составот на Молдавија, која фактички територијата на Приднестровие не ја контролира (со исклучок од неколку села).). Должината на границите на Приднестровската Молдавска Република е 816 км: од нив 411 км — со територија, контролирана од властите на Молдавија, 405 км — со Украина Приднестровие нема излез на море.

Приднестровска Молдавска Република Република Молдовеняскэ Нистрянэ Приднестрóвская Молдáвская Респýблика Придністровська Молдавська Республіка
Знаме Грб
Химна:  Те славиме тебе, Приднестровие
Главен град		Тираспол
Службен јазик		молдавски, руски, украински
Народности (2005)		32% Молдавци 31% Руси 29% Украинци
Уредување		Претседателска република
•	Претседател	Игор Смирнов
Де факто Независност
•	Декларација за независност на Приднестровие	2 септември 1990
•	Војна во Приднестровие	2 март - 21 јули 1992
•	Признавање
•	Вода (%)	2.35
Население
•	проценка за 2007 г.	537,000
•	Попис 2004	555,347
•	Густина	133 жит/км2
Валута		Приднестарска рубља1
Часовен појас		(UTC+2)
•	(ЛСВ)	(UTC+3)
НДД		нема2
Повик. бр.		373
1.	Молдавска леа се употребува како парична единица во територијата под Молдавска контрола. and in the security zone
2.	Се употребуваат .com, .ru и .md (понекогаш).

Приднестровие е уредена како претседателска република и има свој устав. Според уставот службени јазици се молдавскиот (кирилица), рускиот и украинскиот. Главен град на републиката е Тираспол кој има 159.000 жители. Други поголеми градови се Дубасари и Бендери.

Името на оваа територија на романски е Транснистрија, Транс-Днестар или Трансднестрија, но официјално во молдавската документација се наведува како Станга Ниструлуи (молдавски:Stânga Nіstruluі) што во превод значи „Лев брег на Днестар“. На руски името на оваа територија се нарекува Приднестровие, па нејзиното целосно име е Приднестарска Молдавска Република (руски:Приднестровская Молдавская Республика, молдавски:Republica Moldovenească Nistreană, украински:Придністровська Молдавська Республіка).

 

Во антиката, територијата на Придњестровие била населена со Тирагетите кои биле тракиско племе. Во средниот век на територијата на Приднестровие живееле словенските племиња Уличи и Тиверци, и номадските туркиски племиња Печензите и Куманите. Со текот на времето, територијата била дел од Киевска Русија и Галичко-Волинското кнежевство, а во XIV век била дел од Големото Литванско кнежевство. Во 1569 година, северниот дел на Приднестровие влегол во состав на Брацлавското кнежевство кое влегло во состав на Малополска. Територијата била дел од Руската Империја во 1793 година. Јужниот дел од Приднестровието бил дел од Златната Орда во 1242 година, каде при крајот на XV век влегол во состав на Кримското ханство. Со Јашкиот мировен договор, Приднестровие била дел од Руската Империја. Во тоа време бил малку населен регион, коешто население било мешано, и се состоело во основа од Молдавци, но исто и Евреи, Украинци, Срби и Бугари.

При крајот на XVIII века Руската Империја праќа војници за да ја заштитат својата југозападна граница. Руските власти го поддржувале доселувањето на бугарите, русите, германците, ерменците, грците и молдавците во Приднестровие. Низ XIX век Приднестровие, со градовите Григориопол, Дубосар и Тираспол влезе во состав на Руската Империја. Од 1918 до 1940 година овој дел бил поделен меѓу Романија и Украина.

Транснистрија се наоѓа во источниот дел од Молдавија и е во должина од 400 км. На запад се граничи со Бесарабија (411 км), а на исток со Украина (405 км). Западната граница кон остатокот од Молдавија всушност ја претставува реката Днестар, а поголемиот дел од територијата, особено по брегот на Днестар е една голема долина. На оваа површина, Приднестровие зафаќа површина од 4.163 км² на која живеат околу 537.000 жители.

Населението го сочинуваат 3 бројни етнички групи: Молдавци (32%), Руси (31%) и Украинци (29%).

Најголем и главен град е Тираспол со околу 159.163 жители. На територијата на Приднестровие има уште 10 градови со вкупно 69 општини, а вкупниот број на населени места е 147.

Приднестровие е поделено на 7 административни единици: 5 реони и 2 града (општини) под републичка управа.

Петте реони се:

• Каменка (Кáменка, Kamenka)
• Дубасари (Дубоссáры, Dubossary)
• Григориопол (Григориóполь)
• Рибница (Рыбница, Rybnitsa) и
• Слобозија (Слободзéя),

а двата града (општини) се:

• Бендери (Бендéры) и
• Тираспол (Тирáсполь)

• BBC: Профил на Приднестровие
• Економист: Црна дупка што ја јаде Молдавија
• ОБСЕ Мисија до Молдавија
• Радио Слободна Европа: за Приднестровие е долг^{[мртва врска]}
• Џос Бунстра, „Молдавија, Приднестровие и Европската демократска политика“ Архивирано на 27 февруари 2007 г., FRIDE, февруари 2007
• Стјуарт Хенсел, Молдавските интереси во конфликтот Архивирано на 25 октомври 2007 г.