Логиката (од старогрчки: λόγος - 'збор/говор') е наука која се занимава со изучување на принципите и критериумите на валидните заклучоци и докажувањето.
Како формална наука, логиката ја истражува и класификува структурата на исказите и аргументите, по пат на изучување на формални системи на заклучувањето, но и со изучување на аргументите во природниот јазик. Логиката опфаќа најразлични проблематики, од основни теми како изучувањето на логички грешки и парадокси, специјализирани анализи на расудувањето со примена на веројатност, па сè до аргументи во врска со причиноста. Логиката денес честопати се применува во теоријата на аргументацијата.
Традиционално логиката се изучува како гранка на философијата, како еден дел од класичниот тривиум, кој се состоел од граматика, логика и реторика. Од средината на XIX век формалната логика се изучува во контекст на основите на математиката. Во 1903 г. Бертранд Расел и Алфред Норт Вајтхед се обиделе формално да ја утврдат логиката како камел темелник на математиката со објавувањето на делото „Принципија Математика“. Меѓутоа системот на ова дело повеќе не се користи, поради неговото истиснување од страна на теоријата на множествата. Развојот на формалната логика и нејзината примена во сметачата машинерија претставува темел на информатиката.
Во логиката и математиката, логичка дисјункција („или“) е логичка операција која резултира со вистина (т) кога еден или повеќе вредности се вистинити. Во граматиката пак, или е сврзник.
Логичката дисјункција е операција на две логички вредности, обично вредностите на две тврдења, која дава вредност невистина (⊥) ако и само ако двата оператора се невистинити. Повоопштено, дисјукнцијата е логичка формула која може да има еден или повеќе литерали раздвоени само со знаци „ИЛИ“. Еден сам литерал честопати се смета за дегенерична функција.
Бертранд Расел (англ. Bertrand Russell), (18 мај, 1872 – 2 февруари, 1970) бил англиски философ, логичар, математичар и поборник за општествени реформи.
Расел бил плоден писател, а бил и популаризатор на философијата и коментатор на најразлични теми, од најсериозни проблеми, па сè до шеговити тематики. Во продолжение на семејната традиција во политиката, тој бил истакнат противвоен активист, поборник за слободна трговија помеѓу земјите и голем противник на империјализмот.
Основни теми во логиката · теми во логиката · Логичари · Основни теми во дискретната математика · Теми во теоријата на множествата · Парадокси · Логички грешки ·Логички знаци
This article uses material from the Wikipedia Македонски article Портал:Логика, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.