Марио Де Са-Карнеиро: португалски писател

 

Марио де Са-Карнеиро влегол во книжевниот живот на Португалија благодарение на Фернандо Песоа. Заедно со него и со Алмада Негреирош, Са-Карениро соработувал со книжевниот зборник „Орфеу“ под влијание на европската авангарда, предизвикувајќи скандалозни реакции во португалската јавност поради смелоста на книжевниот израз и футуристичкиот идеализам. Во својот книжевен развој, Са-Карениеро бил под влијание на повеќе автори, како: Едгар Алан По, Стефан Маларме, Шарл Бодлер, Оскар Вајлд, Цезарио Верде, Достоевски и Антонио Нобре. Негови најпознати дела се: „Исповедта на Лусио“, „Почеток“, „Пријателство“, „Небо во Оган“ и поетската збирка „Дисперзија“.