Каору Митома

Роден е во спортско семејство, неговиот татко се посветил на атлетиката додека неговата мајка играла одбојка. Тој има и постар брат по име Јуки кој го инспирирал да се занимава со фудбал; сепак Каору, иако имал можност да стане професионален фудбалер откако завршил средно училиште, тој претпочитал да го одложи тоа за да се посвети на универзитетските студии, каде исто така играл фудбал во тимот на неговиот универзитет, Цукуба, истакнувајќи се по својот талент. Учествувајќи во Купот на императорот, тој постигнал два гола во победата од 3-2 против Вегалта Сендаи, клуб од Ј1 лигата, првата дивизија на јапонскиот фудбал. На унивезитетот се стекнал со диплома по моторни науки, а во 2022 година ја најавил својата венчавка со Наруми Миура.

Игра и како десно крило и како лево крило, Митома е талентиран играч способен да трча многу, опремен со добар дриблинг и одлично чувство за асистенција, квалитети благодарение на кои е секогаш опасен во офанзивните акции на својот тим. Исто така, има прецизен шут и често знае да ја погодува мрежата благодарение на неговите пласирани "завртени" удари со многу ефе. Веќе по дебито бил наговестуван меѓу најсилните азиски фудбалери за 2020 година.

Кавасаки Фронтале

Својата кариера како професионалец Митома ја започнал во Кавасаки Фронтале во 2019 година, а истата година одиграл само еден натпревар за клубот во ремито 2-2 против Нагоја Грампус во Купот на Џеј лигата, кој подоцна неговата екипа го освоила.

Следната сезона, тој учествувал во освојувањето на првенствената титула на својот тим за која придонел со 30 настапи и 13 гола, добивајќи го притоа и признанието за еден од најдобрите играчи на тимот: тој го постигнал својот прв гол во првенството во победата со 3-1 против Шонан Белмаре, а потоа постигнувал и по два гола во победите со 6-1 против Консадоле Сапоро и со 3-1 против Јокохама Маринос, исто така асистирал за победничкиот гол кој го постигнал Кенго Накамура во победата со 2-1 против ФК Токио што била 12-та последователна победа на тимот во лигата, за потоа со уште две асистенции за Акихиро Иенага во победата со 5-0 против Гамба Осака да му помогне на својот тим да ја освои титулата на четири кола до крајот.

Благодарение на неговиот гол, на 1 јануари 2021 година, Кавасаки Фронтале ја освоиле својата првата титула во Купот на Императорот, совладувајќи ја Гамба Осака во финалето со 1-0. Следниот месец, против истиот противник, Митома постигнал два гола со кои го одвел Кавасаки до нова победа и до освојувањето на Суперкупот на Јапонија.

Брајтон и Јунион Сен Жилоаз

На 10 август 2021 година, тој бил купен од Брајтон, потпишувајќи четиригодишен договор со клубот од Премиер лигата. Сепак, веднаш по потпишувањето, Брајтон го позајмил играчот на белгискиот клуб Јунион Сен Жилоаз. Првиот гол за Сен Жилоаз го постигнал во Купот на Белгија во победата над Лебеке со 7-0. Во првенството, тој успеал да постигне гол во победата со 3-1 над Андерлехт, и во натпреварот против Серинг во кој влегол во второто полувреме, кога тимот заостанувал со два гола разлика, но Митома постигнал хет-трик за пресврт-победа од 4-2. По завршувањето на сезоната во Белгија, Митома се вратил во Брајтон.

На 13 август 2022 година, Митома го направил своето деби во Премиер лигата за Брајтон, влегувајќи како замена за Леандро Тросар во 75-тата минута во ремито 0-0 против Њукасл Јунајтед на Стадионот Фалмер.

Дебитирал за јапонската репрезентација во натпревар од квалификациите за Светското првенство 2022 против Оман во Мускат, кој завршил со победа на Јапонија од 1-0.

На 1 ноември, Митома бил избран во 26-члениот тим на Јапонија за Светското првенство 2022 во Катар. Во последниот натпревар од групата против Шпанија на 1 декември, Митома му асистирал на Ао Танака за победничкиот гол во успехот со 2-1, со кој Јапонија се квалификувала за осминафиналето како победник во групата. Голот потоа наишол на контроверзии, бидејќи првично не бил признат поради излегување на топката надвор од теренот, пред ВАР да досуди дека голот е регуларен давајќи ја како објаснување причината дека искривувањето на топката виси над кредата.

Хронологија на репрезентативните настапи

Хронологија на настапи и постигнати голови за националната селекција ― Јапонија
Дата	Град	Домашни	Резултат	Гости	Натпреварување	Голови	Инфо	Детали
16-11-2021	Мускат	Оман	0 – 1	Јапонија	Квал. за СП 2022	-	46'
24-3-2022	Сиднеј	Австралија	0 – 2	Јапонија	Квал. за СП 2022	2	84'
29-3-2022	Саитама	Јапонија	1 – 1	Виетнам	Квал. за СП 2022	-
2-6-2022	Сапоро	Јапонија	4 – 1	Парагвај	Пријателска	1	82'
6-6-2022	Токио	Јапонија	0 – 1	Бразил	Пријателска	-	73'
10-6-2022	Кобе	Јапонија	4 – 1	Гана	Пријателска	1	80'
14-6-2022	Суита	Јапонија	0 – 3	Тунис	Пријателска	-	60'
23-9-2022	Диселдорф	Јапонија	2 – 0	САД	Пријателска	1	68'
27-9-2022	Диселдорф	Јапонија	0 – 0	Еквадор	Пријателска	-	66'
23-11-2022	Ал Рајан	Германија	1 – 2	Јапонија	СП 2022 - Прва фаза	-	57'
27-11-2022	Ал Рајан	Јапонија	0 – 1	Костарика	СП 2022 - Прва фаза	-	62'
1-12-2022	Ал Рајан	Јапонија	2 – 1	Шпанија	СП 2022 - Прва фаза	-	46'
5-12-2022	Ал Вакра	Јапонија	1 – 1 прод. (1 – 3 пен.)	Хрватска	СП 2022 - Осминафинале	-	64'
Вкупно		Настапи	13		Голови	5

Клупска статистика

Статистиката е ажурирана на 6 декември 2022.

Сезона	Клуб	Првенство			Национален куп			Континентален куп			Останати купови			Вкупно
		Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2019	Кавасаки Фронтале	Ј1	0	0	КЏЛ	1	0	-	-	-	-	-	-	1	0
2020		Ј1	30	13	КИ+КЏЛ	2+5	2+3	-	-	-	-	-	-	37	18
2021		Ј1	20	8	КИ+КЏЛ	0+0	0+0	АЛШ	3	2	СЈ	1	2	24	12
Вкупно Кавасаки Фронтале			50	21		8	5		3	2		1	2	62	30
2021-2022	Јунион Сен Жилоаз	ПЛ	21+6	5+2	КБ	2	1	-	-	-	-	-	-	29	8
2022-2023	Брајтон	ПЛ	9	1	ФАКуп+ЛК	0+2	0+1	-	-	-	-	-	-	11	2
Вкупно во кариерата			86	29		12	7		3	2		1	2	102	40

  Кавасаки Фронтале

• Ј1 лига : 1

2020

• Куп на Императорот : 1

2020

• Суперкуп на Јапонија : 1

2021