Ачешки јазик или само ачех (Bahsa Acèh) — малајско-полинезиски јазик што го говори народот Ачеси во покраината Ачех на островот Суматра, Индонезија.
Се говори и во ачешката дијаспора во извесни делови на Малезија како Јан во сојузната држава Кедах.
Ачешки | |
---|---|
Bahsa/Basa Acèh | |
Застапен во | Индонезија |
Подрачје | Ачех, Суматра |
Говорници | 3,5 милиони (2000) |
Јазично семејство | |
Јазични кодови | |
ISO 639-2 | ace |
ISO 639-3 | ace |
Овој јазик припаѓа на малајско-полинезиската гранка на австронезиското семејство. Најсродни на него се другите чамски јазици како џарајскиот и чамскиот (230.000 и 280.000 говорници) во Камбоџа и Виетнам. Други сродни јазици се малајските, минангкабајскиот, гајскиот и батачките јазици.
Јазикот се говори претежно во крајбрежните делови на Ачех, и тоа во 10 намесништва и 4 општини.
Ова се фонемите во ачешкиот јазик.
Предни | Средни | Задни | ||||
---|---|---|---|---|---|---|
усни | носни | усни | носни | усни | носни | |
Затворени | i | ĩ | ɨ | ɨ̃ | u | ũ |
Полузатворени | e | ɛ̃ | ə | ʌ̃ | o | ɔ̃ |
Полуотворени | ɛ | ʌ | ɔ | |||
Отворени | a | ã |
Самогласките се претежно спарени како усна-носна, иако постојат само три средни носни, а двојно повеќе средни усни самогласки. /ʌ/ не е сосем средна, но тука е прикажана како таква од естетски причини. Слично на неа, /ɨ/ се претставува и како позадна [ɯ]. Покрај горенаведените монофтоншки самогласки, ачешкиот има и пет усни дифтонзи, од кои секој има свој носен пандан:
Уснена | Венечни | Предно- непчени | Задно- непчени | Гласилни | |
---|---|---|---|---|---|
Носни | m | n | ɲ | ŋ | |
Избувни | p b | t d | c ɟ | k g | ʔ |
Струјни | s | ʃ | h | ||
Приближни | w | l | j | ||
Трепетни | r |
/s/ e ламинална венечно-забна согласка. /ʃ/ технички е задновенечна, но стои колоната на преднонепчените од естетски причини.
Порано ачешкиот се пишувал со арабица наречена „џавое“ (џави на малајски), но иста сега речиси воопшто не се користи. Денес јазикот се пишува со латинична азбука во која, покрај вообичаените букви, се користат и буквите é, è, ë, ö и ô.
Досега не е псорведено темелно истражување на дијалектите на ачешкиот јазик, но се смета дека постојат барем 10: пасе, пеусанган, матанг, пидие, буенг, банда, даја, меулабох, сеунаган и тунонг.
Издание на Википедија — слободната енциклопедија на ачешки јазик |
This article uses material from the Wikipedia Македонски article Ачешки јазик, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.