Urang Mante (Gayo: Manti) atau juo dieja Mantir, adolah salah ciek etnik taawal nan disabuik-sabuik dalam lagenda rakyat parnah mandiami Aceh.
Suku iko, basamo urang-urang asli lainnyo sarupo Lanun, Sakai, Jakun, Senoi, jo Semang, marupokan etnik-etnik pambantuak Urang Aceh nan ada sekarang. Urang Mante dipakirokan tamasuak dalam rumpun bangso Malayu Proto, awalnyo manatap di wilayah sakitar Aceh Besar, jo tingga di padalaman hutan. Urang-urang asli tasabuik dipakirokan remigrasi ka Aceh malalui Semenanjung Melayu. Dalam lagenda Aceh, urang Mante jo urang Karo disabuik-sabuik subagai cikal-bakal dari Kawom Lhèë Reutōïh (urang tigo ratuih), nan marupokan salah ciek kalompok panduduak asli Aceh. Saat iko urang Mante alah punah atau lanyok dek alah bacampua jo urang bangso pandatang-pandatang lainnyo nan datang kamudian. Sampai saaik iko, masih alun tadapek bukti ilmiah nan kuaik tahadok kabaradoan urang ko.
Pado bulan Maret 2017, sakalompok paonda di Aceh indak sangajo mancaliak sasaurang nan didugo urang Mante. Saurang nan didugo urang Mante tasabuik sampaik takajuik tu lari sangaik kancang, adegan iko sampaik tarekam dek salah ciek paonda dalam kalompok tasabui. Rakaman tasabuik dipublikasikan di Youtube jo sacaro capek manjadi pabincangan dalam dunia mayo di Indonesia, sarto manjadi bahan pambaritaan.
Pambaritaan tasabuik mambuek Pemda Aceh malakukan panalusuran Urang Mante untuak manaliti kabaradoan sabananyo. Kamantrian Sosial ikuik pulo manalusuri kabaradoan Urang Mante supayo mereka mandapekan jaminan sosial.
This article uses material from the Wikipedia Minangkabau article Urang Mante, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.