Natrium Karbonat

Natrium karbonat murni berwarna putih, bubuak tanpa warna yang manyerap embun dari udaro, punyo raso alkalin/pahit, dan mambantuak larutan alkali nan kuek.

Pambuekan kaco adolah salah satu kagunoan penting dalam natrium karbonat. Dapek manjadi fluks untuak silika, jo manurunkan titiak cair campuran ka sesuatu nan dapek ditarimo tanpa material khusus. "Soda kaco" iko mudah laruik dalam aia, jadi kalsium karbonat ditambah pado campuran yang alun mancaia untuak manghasilkan kaco yang diproduksi indak mudah laruik dalam aia. Jenis kaca iko disabuik kaco soda kapur, "soda" untuak natrium karbonat dan "kapur" untuak kalsium karbonat.

Biaso digunokan sabagai tambahan untuak kolam ranang untuak manetralkan efek korosi dari klorin dan manaikkan pH.

Dalam kimia, biaso digunokan sabagai elektrolit.

Penggunaan dalam rumah tangga

Dapek digunokan sabagai palembut aia dalam mancuci pakaian. Inyo baradu jo ion magnesium dan kalsium di aia dan mancegahnyo baikatan jo deterjen nan sadang dipakai. Natrium karbonat dapek dipakai untuak manghilangkan minyak, oli, dan karek anggur.

Pangujian

Dapek digunokan untuak mambedakan ion logam yang lain, nan akan diendapkan jo ion karbonat. Dapek mambedakan ion tambago, basi, kalsium, seng, dan timbal. Larutan natrium karbonat ditambahkan pado garam metal. Endapan biru manunjuakan ion Cu²⁺. Endapan ijau kumuah manunjuakan ion Fe²⁺. Endapan kuniang-coklat manunjuakan ion Fe³⁺. Endapan putiah manunjukan ion Ca²⁺, Zn²⁺, atau Pb²⁺. Ikatan yang tabantuak antaro lain tambago(II) karbonat, basi(II) karbonat, besi(III) oksida, kalsium karbonat, seng karbonat, dan timbal(II) karbonat. Endapan tabantuak karano hampia sadonyo karbonat indak mudah laruik dalam aia.