Nan Triveni Achnas labiah dikenal dangan Nan Achnas, adolah sutradara jo produser padusi asal Indonesia.
Karya filmnyo banyak mandapekkan panghargoan di babagai festival film international.
Nan Achnas, dilahiekan di Singapura kamudian tumbuah gadang di Kuala Lumpur. Ayahnyo banamo Nas Achnas, urang Minangkabau asa Padangpanjang nan bakarajo sabagai sutradara film di Singapura jo Malaysia. Sadangkan ibunyo Ida Lochfiah, barasa dari etnis Mandailing.
Basamo dangan Riri Riza, Mira Lesmana, jo Rizal Mantovani mambuek sabuah film nan bajudua Kuldesak pado taun 1998. Taun 2001, mambuek film Pasir Berbisik nan mandapekkan salapan panghargoan dari babagai Festival Film International, antaro lain Rotterdam International Film Festival, Pusan International Film Festival, Seatle International Film festival, Deauville International Film festival - Perancis, Asian Pasific International Film Festival, dll.
Salanjuiknyo pado taun 2003, inyo mambuek film Bendera nan mandapekkan panghargoan di Tokyo International Film Festival. Film terbarunyo dangan judul The Photograph di rilis taun 2007, skenarionyo mandapekkan ampek grant dari Fond Sud-Pemerintah Perancis, Goteborg International Film festival, Prince Claus Award-Balando, jo Locarno International Film Festival.
Inyo pulo masih maajar di Fakultas Film dan Televisi Institut Kesenian Jakarta.
This article uses material from the Wikipedia Minangkabau article Nan Achnas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.