Ford Laser: Oto dari Ford Motor Company nan batampek di Amerika Sarikat.

Oto Ford Laser ko marupoan jinih oto nan babadan ketek nan diparuntuakan untuak kaluarga ketek. Oto ko hanyo dapek manampuang kiro-kiro limo urang gadang. Oto ko babantuak oto sedan. Salain bantuak sedan, oto ko tasadio juo bantuak lainyo sarupo bantuak wagon jo bantuak pick up nyo.

Ford Laser
Panjalehan
Pabrikan	Ford Motor Company
Namo lainyo	Ford Meteor (Australia & Afrika Selatan) Ford Lynx
Tahun dibuek	Maret 1981–Desember 2007
Kantua cabang	Kanada: Oakville, Ontario, Taiwan: Taoyuan City, (Ford Lio Ho, CKD) Malaysia: Shah Alam, Selangor , Vietnam: Hai Duong Thailand: Rayong, (AAT) Australia: Homebush, Japan: Hofu, (Mazda) New Zealand: Wiri Indonesia United States Mexico Philippines: Santa Rosa, Laguna, Venezuela: Valencia, Colombia: Bogotá, South Africa: Pretoria, Zimbabwe: Willowvale,
Badan jo karangko
Tipe oto	Subcompact car (1981–1994) Compact car (1994–2007)
Masin oto	FF layout F4 layout
Samo jo	Ford Capri Ford Escort Mazda 323 Mercury Tracer
Pajalanan produksi
Pandahulu	Ford Escort
Panaruih	Ford Focus Ford Escort (China&Taiwan)

Oto Ford Laser ko bantuaknyo sarupo jo oto Mazda familia 323, namun ado saketek pambaharuan. Dipiliahnyo model oto sarupo iko dikaranoan samparampek saham dari parusahaan oto Mazda punyo parusahaan Ford Motor. Saham ko alah diakuisisi dek Parusahaan Ford Motor samanjak tahun 1979, kamudian di tahun salanjuiknyo barulah dimulai mamproduksi oto Ford Laser ko, tapek nyo di tahun 1981 oto Ford Laser ko alah mulai di jua. Untuak pamasarannyo oto ko di jua katiko itu di Asia, Kawasan Oceania, Australia, babarapo di Amerika selatan, jo babarapo negara-negara di Afrika. Di Australia namo oto Ford Laser ko disabuik juo jo Ford Meteor, baiitu pulo di negara-negara di Afrika Selatan. Pado mulonyo para konsumen oto nan barado di negara Australia jo Selandia baru tamasuak di sabagian Afrika selatan indak tau kalau oto tasabuik adolah oto Ford Laser. Urang-urang mangiro oto tasabuik adolah oto Mazda familia 323. Babeda jo negara-negara di Asia nan alah talabiah daulu tau oto tasabuik adolah oto Ford Laser nan marupoan pambaharuan dari oto Mazda nan dikaranoan saham dari parusahaan oto Mazda sabagian alah dikuasai dek parusahaan Ford Motor.

 

Oto Ford Laser nan partamo kali dipoduksi iolah Ford Laser (KA). Oto ko mulai dijua pado tahun 1981. Katiko itu tadapek babarapo macam model oto Ford Laser ko, ado nan tigo pintu, ado nan ampek pintu dan ado pulo nan limo pintu. Untuak di Australia namo Ford Laser ko banamo oto Ford Meteor. Salain diproduksi jo dirakik di Japang jo Australia, oto ko di rakik juo di negara Selandia Baru. Di negara Amerika latin sarupo[ jo di Argentina. Oto Ford Laser nan diproduksi di Argentina mirip jo oto nan di produksi di Australia. Oto ko dibuek jo manyasuaian pasa nyo, ado nan stir nyo di suok dan ado pulo stirnyo di kida. Stir nan di suok itu untuak negara-negara sarupo di Indonesia, Malaysia dan stir nyo di kida untuak negara-negara Taiwan, Filipina, Meksiko, Australia.

 

Ford Laser generasi kaduo banamo Ford Laser (KC). Oto ko diproduksi antaro tahun 1985 sampai 1989, namun di babarapo negara ado nan masih di produksi samapai babarapo tahun. Di Japang oto ko diproduksi dari tahun 1985 sampai 1989. Di Australia oto ko diproduksi dalam bantuak oto sedan, wagon jo hatchback tahun 1985 sampai 1996. Untuak di Afrika Selatan oto ko diroduksi tahun 1986 sampai 1995. Sadangkan di Indonesia oto ko di produksi dari tahun 1986 sampai 1997. Bantuak oto ko ado nan punyo duo pintu, tigo pintu, ampek pintu, jo limo pintu.

 

Ford Laser generasi katigo banamo Ford Laser (KF). Untuak di Amerika Utara, oto generasi katigo ko banamo Ford Escort sadangkan untuak di Taiwan banamo Ford Golden Laser. Untuak tahun produksi, di Japang oto ko mulai di produksi dari tahun 1989 sampai tahun 1994. Kalau di Australia, oto ko diproduksi dari tahun 1990 sampai tahun 1994 sadangkan di Selandia Baru diproduksi tahun 1990 sampai 1996. Untuak bantuak oto tasadio duo bantuak, partamo bantuak hatchback nan punyo tigo pintu jo limo pintu sarato jo bantuak sedan nan punyo ampek pintu. Untuak bajalan ,oto ko tasadio dalam duo macam presneling ado nan manual, ado pulo nan otomatis gigi otonyo.

 

Ford Laser generasi kaampek banamo Ford Laser nan punyo kode (KJ/KL/KM). Oto Ford Laser generasi kaampek ko di produksi mulai dari tahun 1994 sampai tahun 1998). Namo lain oto ko di Taiwan iolah Ford Aztec nan hanyo punyo tigo pintu, sadangkan nan ampek pintunyo banamo Ford Liata. DI Australia namonyo Ford Liata LXi nan punyo limo pintu. Untuak bantuak oto, oto nan batipe hatchback tasadio dalam bantuak tigo jo limo pintu dan nan babantuak sedan tasadio nan punyo ampek pintu. untuak gigi oto ko, tasadio gigi manual jo gigi nan otomatis. Gigi oto manual punyo limo gigi sadangkan gigi oto nan otomatis punyo ampek gigi.

 

Ford Laser generasi kalimo banamo Ford Laser nan punyo kode (KN/KQ). di Japang oto ko banamo Ford Laser (KN) Lidea hatchback. Di Taiwan jo Thailand oto ko dinamoan Ford Tierra/Activa, sadangkan di Philipina jo Malaysia oto ko banamo Ford Lynx. Oto ko mulai di produksi dari tahun 1998 sampai tahun 2007. Oto ko tasadio dalam duo bantuak, bantuak hatchback nan punyo limo pintu sarato jo bantuak oto sedan nan punyo ampek pintu. Untuak gigi oto ko, oto ko punyo duo tipe oto, ado nan giginyo manuall jo adopulo nan giginyo otomatis. Oto nan punyo gigi manual punyo limo gigi sadangkan oto nan giginyo otomatis punyo ampek gigi.