Damaskus (/dəˈmæskəs/ , /UKalsodəˈmɑːskəs/ ; Arab: دمشق Dimashq, IPA: ) adolah ibu kota dari Suriah, ibu kota nagara paliang tuo di dunia dan dek sabagian pihak, disabuik sabagai kota suci kaampek Islam.
Laman ko alun atau baru ditajamahan sabagian ka bahaso Minang. Bantulah Wikipedia untuak malanjuikannyo. Caliak padoman panajamahan Wiki Minangkabau. |
Dalam kasaharian, urang Suriah manyabuiknyo jo namo asy-Syam (الشَّام) dan bagala "Kota Bungo Malua" (مَدِينَةُ الْيَاسْمِينِ Madīnat al-Yāsmīn). Damaskus marupokan pusek budayo di Levantin jo Dunia Arab. Pado taun 2019, kota ko bapanduduak 2.079.000 urang.
Di barat daya Suriah, Damaskus marupokan pusek dari area metropolitan. Panduduaknyo mancapai 2,7 juta jiwa pado taun 2004. Talatak di kaki barisan gunuang Anti-Lebanon, bajarak 80 km dari pasisia Lauik Tangah ka arah timur jo di katinggian 680 mdpl, Damaskus baiklim angek dek efek bayangan ujan. Batang Barada manjadi batang aia utamo nan maaliri Damaskus.
Damaskus iko ciek dari banyak kota paliang tuo di dunia nan taruih bapauni. Pamukiman partamo ditaruko pado milenium katigo sabalun masehi, nan kudian tapiliah manjadi ibu kota Kakhalifahan Umayyah antaro taun 661 inggo 750. Salapeh kamanangan Dinasti Abbasiyah, pusek pamarintahan Islam bapindah ka Baghdad. Pado maso ko, Damaskus kurang manjadi paratian inggo maso Ayyubiyah jo Mamluk baliak mandapek namo. Kini, kota ko manjadi pusek pamarintahan Suriah. Pado September 2019, salapan taun dalam Parang Sudaro Suriah, Damaskus masuak ka dalam kota-kota nan indak layak uni manuruik GLobal Liveability Ranking.
This article uses material from the Wikipedia Minangkabau article Damaskus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.