Belajar Dari Rumah

*Belajar dari Rumah*
Mengudara sejak	13 April 2020
Ditutup	TBA Desember 2020 (diranacaan) atau hinggo basuo vaksin anti COVID-19
Saluran	TVRI
Negara	Indonesia
Induk	Kementerian Pendidikan dan Kebudayaan RI
Format	Pendidikan
Durasi	180 minik (program pagi); 120 minik (program malam)

Program ko disadioan untuak manjadi alaik baraja jo caro mandidiak anak sakola jo masyarakaik.

Belajar Dari Rumah barisi program-program pandidikan, kabudayaan, jo hiburan untuak sado janjang pandidikan; dimulai dari PAUD (Pendidikan Anak Usia Dini), SD jo sadarajaik, SMP jo sadarajaik, jo SMA jo sadarajaik, sarato program pangasuhan untuak urang gaek. Pado waktu primetime, akan ditayangan film anak jo film nasional pilihan sabagai suguhan tayangan edukasi untuk anak-anak usia 4-13 Tahun. Film nasional pulo tamasuak film-film edukasi nan manayangan carito khas Indonesia. Di akhia pakan, blok program ko manayangan program-program pandidikan jo kebudayaan untuak sado kalompok usia.

Sijarah

Ado salah tafsia antaro urang gaek siswa jo guru manganai kabijakan "baraja di rumah" salamo masa pandemi COVID-19 di Indonesia. Pihaik sakola bantuaknyo hanyo mamindahan proses baraja mangaja ka rumah. Materi jo tugas diagiah sacaro daring atau online, malalui berbagai platform nan disadioan dek pamarintah jo swasta. Pamasalahan kuota internet pulo manjadi baban dek guru jo anak didiak, mainge indak sado kota jo kabupaten di Indonesia nan punyo jariangan internet. Akhianyo, Kementerian Pendidikan jo Kabudayaan RI (Kemendikbud) mambuek program Beraja dari Rumah lewat TVRI untuak manjangkau daerah-daerah nan internetnyo indak mamadai, program ko mulai 13 April 2020.

Direktur Jenderal PAUD dan Dikdasmen Kemendikbud, Harris Iskandar mangatoan dalam proses pambalajaran di rumah, sapatuiknyo guru jo urang gaek anak didiak dapek maujudan pandidikan nan bamakna, indak hanyo fokus pado capaian akademik atau kognitif. Tujuan utamonyo labiah mautamoan pado panalaran jo indak capaian materi baraja. Takaik pandemi corona tu, pamerintah mangaluan Surat Edaran Nomor 4 Tahun 2020 Tantang Pelaksanaan Kebijakan Pendidikan dalam Masa Darurat Penyebaran Covid-19.

Menteri Pendidikan dan Kebudayaan Nadiem Makarim juo mangecek an blok program Belajar dari Rumah manjadi alternatif atau pilihan aktivitas baraja dalam kondisi darurat untuak mandorong pembelajaran bermakna. Dalam pernyataan nan tampil pada kredit setiap program pendidikan Belajar dari Rumah di pagi hari, tujuan program indak ditujuan untuak mangaja tuntas pado kompetensi literasi dan numerasi.

Perpanjangan kerjasama

Pado Juni 2020, Direktur Utama TVRI Iman Brotoseno batandang ka kantua Kemendikbud RI untuk batamu jo Direktur Jenderal bidang Kebudayaan Kemendikbud Hilmar Farid. Sangkek tu, Hilmar manyatoan bahwa acara kerjasama TVRI jo Kemdikbud tasabuik saharusnyo abih pado pada bulan Juli dipapanjang manjadi Desember atau hingga ditamuan vaksin anti COVID-19 karena kurva kasus positif COVID-19 di Indonesia satiok arinyo maningkek tajam jo masih alun manurun jo alun dapek dikandalian.

Jadwal program

Catatan: Patunjuak wakatu nan digunoan yaitu WIB. Jadwal dapek barubah mangikuti Kemendikbud RI

Siaran pagi (Senin-Jumat)

08.00-08.30: PAUD jo Sederajat
08.30-09.00: SD kelas 1-3 jo sederajat
09.00-09.30: SD Kelas 4-6 jo sederajat
09.30-10.00: SMP jo sederajat
10.00-10.30: SMA/SMK jo sederajat
10.30-11.00: Keluarga Indonesia (Orangtua/Guru)

Program

PAUD/TK/RA

Program PAUD ko ditujuan untuak anak usia dini dari 4 Tahun. Dalam program ko anak diarok an dapek mangana angki, huruf, teknologi, jo hal-hal parnah tajadi di dunia. Semacam pangatuahan umum nan ringan.

Program ko pulo disi dek oleh program Jalan Sesama nan ditayangan ulang. Program ko sabalunnyo alah parnagh ditayangan dek Trans7 jo Kompas TV. Program iko ditayangan ulang jo diisi dek video-video kreativitas anak nan marupoan kiriman panonton di rumah. Jalan Sesama tayang satiok Senin inggo Jumaik pukua 08:00 WIB.

Program ko kudian ditambah dek TVRI jo manayangan serial animasi Miki Tikus pado bulan Juli sabalunnyo vakum sakian puluhan tahun. Walau co itu pado tahun 2020, Mickey Mouse Clubhouse tayang lewat kerjasama Kemdikbud jo rumah produksi tanamo Amerika Walt Disney Animation Studios sakaligus manggantian slot acara dokumenter Netflix Our Planet.