Bani Hawazin

Bani Hawazin adolah salah satu kabilah Arab katurunan Qais 'Ailan, iyolah suku bangso Arab nan manatap di wilayah sakita Tha'if di Arabia.

Katurunan Bani Hawazin taseba di Timua Tengah dan Afrika Utara sabauk anggota mareka banyak nan talibaik dalam panaklukan Muslim ka Suriah, Irak, Masia, Afrika Utara (tarutamo Bani Hilal atau Bani Sulaim) dan Spanyol. Katurunan mareka di Suriah umumnyo adolah Muslim Sunni, sadangkan katurunan mareka di Arabia kini ko dikana jo namo 'Utaibah.

Bani Hawazin
Silsilah Bani Hawazin

Namo Bani Hawazin baasa dari namo tokoh muyangnyo iyolah Hawazin bin Mansyur bin Ikrimah bin Khashafah bin Qais 'Ailan, nan adolah katurunan dari Adnan. Adnan ko manurik para ahli silsilah Arab marupoan salah satu katurunan Ismail, nan adolah niniak muyang bagi suku-suku Arabia utara. Dari Bani Hawazin muncualah pacahan sukunyo, antaro lain Bani Sa'ad bin Bakar, Bani Jasyam bin Bakar, Bani Nashar bin Muawiyah, Bani Tsaqif, dan banyak lai, nan mambantuak pasakutuan Hawazin (Ulya Hawazin). Pasakutuan kabilah Hawazin tasabuik acok bakarajo samo dalam maadoki pasaingan jo kabilah gadang lain, misanyo taadok Bani Quraisy di Makah.

Satalah Muslim manaklukkan Makah, banyak suku jo kaum badui Arab di sakita Makah nan marupoan sakutu Bani Quraisy nan sacaro damai ikuik juo mangakui kapamimpinan Muhammad. Namun Bani Hawazin jo para sakutunyo sabagai saingan Makah mamandang kajadian tu sabagai bangkiknyo kapamimpinan baru Bani Quraisy nan kuaik dan ka jadi alangan bagi mareka dalam pasaingan pangaruah di jazirah Arabia. Bani Hawazin sugiro basiap-siap jo para sakutunya untuak baparang malawan Muslim dan Bani Quraisy, inggo kudian di antaro kaduo pihak tajadilah parang Hunain, parang Authas, jo pangapuangan Tha'if. Dari suku-suku sakutuan Hawazin, anyo Bani Ka'ab jo Bani Kilab sajo nan indak turuik mamarangi pasukan Muslim. Akia dari paparangan dan pangapuangan tarsabuik adolah kamanangan gadang bagi pihak Muslim. Ateh pamuhunan utusan Bani Hawazin, sadonyo tawanan mareka sabanyak 6.000 urang lalu dilapehan, dan satalah tu masarakaik Bani Hawazin babondong-bondong masuak Islam.

Badasa jo hadits riwayaik Abu Hurairah jo Ibnu Abbas, Kuraan pado awanyo diturunan dalam tujuah dialek bahaso Arab (sab'ah ahruf), di ma salah satunyo adolah dalam dialek Bani Hawazin.

Tokoh

  • Halimah as-Sa'diyah (ibu susu Nabi)
  • Maimunah binti al-Harits (ummul mu'minin)

Caliak pulo

  • Arabia pra-Islam

Rujuakan

Tags:

Jazirah ArabMasiaMuslimSpanyolTimua Tangah

🔥 Trending searches on Wiki Minangkabau:

InsulinGarinGalodoKalawiFC Dynamo KyivCharles DarwinGedung RobotBerang-berang raksasaFebruari 2021UlamaSeptember 2015Shah Alam1950BelgiaKampuangAbjad ArabBahaso RusiaSalasaAsbenZul Efendi2021Dewan Perwakilan Rakyat Daerah Kabupaten Kepulauan MentawaiKi Hadjar Hardjo OetomoMarxismeGen HalilintarSatuSARS-CoV-265803 DidymosPneumoniaUrang JawaNarkobaAtilia ambulansNepalIsraelDeflasiNurhayati SubakatFilsafatTalehNovember 2015Porsea, Toba SamosirKumango Utara, Kumango, Sungai Tarab, Tanah DatarMaret 2024Daftar kabupaten jo kota di Sumatera Barat1889Toronaeus figuratusSimpanseMelinjoPakaian bundo kanduangLauik KaspiaNovember 2020Es cinduaIlimu forensikDesember 2016Istanbul1912Desember 2018Alergi taluaKorek apiKontrakEthiopiaLautan PasifikTabu (lingkungan sosial)KarihTokyoOrganisasi nirlabaPalabuahan udaro Internasional Kuala Lumpur🡆 More