Surek kaba iko tabik partamo kali pado 12 Juli 1999 dan marupokan salah ciek media yang barado di bawah naungan kalompok Jawa Pos. Surek kaba Ambon Ekspres iko masih tabik satiok harinyo sampai hari ko. Salain tabik dalam bantuak surek kaba cetak, kini Ambon Ekspres hadir pulo dalam jaringan atau media online.

Kahadrian surek kaba Ambon Ekspres indak lapeh kaitannyo jo konflik antar umaik baragamo yang parnah tajadi di Maluku pado tahun 1999. Sabalum Ambon Ekspres tabik, hanyo ado ciek surek kaba di bawah nauangan Jawa Pos di Maluku, yaitu surek kaba Suara Maluku. Katiko itu surek kaba Suara Maluku iko diisi oleh wartawan dengan latar balakang nan baragam, tamasuak babeda agamo.

Katiko konflik antaro umaik Kristen jo Islam pacah di Maluku pado 19 Januari 1999, para awak redaksi Suara Maluku pun ikuik tapacah duo. Konflik antar umaik baragamo katiko itu marembes pulo kapado wartawan nan bakarajo di surek kaba Suara Maluku.

Dek alasan itulah, pado bulan Mei 1999, sajumlah wartawan Suara Maluku mamiliah kalua dan managakan surek kaba Ambon Ekspres. Meraka di antaronyo iolah Ahmad Ibrahim, Machfud Wilulu, Elly Sutrahitu, dan Darmosius Sosebeko. Pado bulan Mei 1999, mereka hadir pado rapek triwulan Jawa Pos, yang katiko itu hadir pulo yang punyo Jawa Pos, Dahlan Iskan.

Kasapakakatan pado rapek itu mamutuihan agar ditagakan surek kaba Ambon Ekspres untuak manampuan jurnalis dari Suara Maluku nan baragamo Islam dan mamiliah kalua dari surek kaba itu.

Ba a carito mulonyo konflik antaro umaik baragamo dan kaitannyo jo surek kaba Ambon Ekspres alah ditulih