Taumata-Whakatangihanga-Kōauau-A-Tamatea-Pōkai-Whenua-Ki-Tana-Tahu
Ko Taumata-whakatangihanga-kōauau-a-Tamatea-pōkai-whenua-ki-tana-tahu te ingoa o tētahi taumata puke e 305 mita te teitei, ki te taha tonga o Waipukurau, Wai-rarapa, Te Ika-a-Māui.
Ko ngā wāhi e tata ana ki taua taumata ko Mangaorapa, ko Pōrangahau.
Ki ētahi, ko Taumata-whakatangihanga-kōauau-o-Tamatea-turi-pūkaka-piki-maunga-horonuku-pōkai-whenua kē, koia tēnei te ingoa tino roa o te ao, e ai ki te pukapuka a Guiness. He ingoa tēnei nā Ngāti Kere, hei whakamaumaharatanga ki tō rātou tupuna, ki a Tamatea-pōkai-whenua. He maha ngā kōrero mōna; he ariki, he toa. Ko tana tama, a Kahungunu te tupuna o Ngāti Kahungunu, tērā o ngā iwi rongonui o taua rohe mai i Tūranga-nui-a-Kiwa, tae noa atu ki Te Mātakitaki-a-Kupe.
I a ia e haere ana ki te takiwā p Pōrangahau, ka tūpono ia ki te ope a Ngāti Hine, ka tū te pakanga i konei, ko Matanui te ingoa. Ka hinga i konei te teina a Tamatea. Ka puta te aroha o Tamatea mōna, ka noho i reira. Ko tana tikanga he noho ki te taumata rā, whakatangi kōauau ai. Ka mau tonu te waiata tangi a Tamatea, ka waiatatia tonutia ki ngā tangihanga, ki ngā hui.
Hoto ki waho
Tohutoro
- Malcolm McKinnon (Kaiwhakatika), Ko Papatuanuku e Takoto Nei (Bateman New Zealand Historical Atlas). Tāmaki-makau-rau: Te Tari Taiwhenua, 1997.
This article uses material from the Wikipedia Māori article Taumata-whakatangihanga-kōauau-a-Tamatea-pōkai-whenua-ki-tana-tahu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Māori (DUHOCTRUNGQUOC.VN) is an independent company and has no affiliation with Wiki Foundation.