Тиде статьялан викификаций кӱлеш. Тиде возымашым шотышко кондыман. Кузе у лаштыкым тӱҥалаш лаштыкым ончалын кертыда. |
«Шукерте огыл ялыштына Йошкар-Ола гыч толшо артист-влак концертым шындышт. Кумдан палыме мурызо-влак И.Смирнов, А.Егошин, Э.Краснова да самырык мурызо С.Орлова шке усталыкышт дене мемнам куандарышт. Снежана Орлова шӱшпык гай яндар йӱкшӧ, мотор койыш-шоктышыж дене толшо-влакын кумылыштым савырыш. Кажне мурыжым рӱжге совым кырен вашлийыч. Ӱдыр, илен-толын, кугу кӱкшытан мурызо лийшашлык, шонем! Ала Снежана дене мемнам лишкырак палдареда ыле?
Фёдор Шамкаев,
Пошкырт, Краснокам район, Корий ял».
Самырык мурызо шкеж нерген тыгерак каласкала:
- Марий Турек район Марий Купто ялеш шочын-кушкынам. 11 классым тунем пытарымеке, 2003 ийыште И.Палантай лӱмеш Тӱвыра ден сымыктыш колледжыш тунемаш пуренам, 4-ше курсышто лиймем годым шинчымашым МарГУ-што заочно погаш тӱҥалынам. 2007 ийыште колледжым йошкар диплом дене тунем пытаренам. Шушаш ийын МарГУ-н дипломжымат налшаш улам. Кызыт Йошкар-Оласе Бауман лицейыште пашам ыштем, йоча-влакым мураш туныктем.
Муро деке эше школыштак кумылаҥынам. Тидлан туныктышем Василий Алексеевич Васильевлан тау. Районысо да республикысе тӱрлӧ конкурсышто мастарлыкем ончыктенам. Кызыт пелашем ден коктын ӱдырым куштена. Умбакыжат калыкым мурем-влак дене куандараш шонем, тыршымем тыге сайын аклымыланда тау.
This article uses material from the Wikipedia Олык Марий (Olyk Marij) article Снежана Орлова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.