Россий Федерацийын Сулло Эмлызыже
«Россий Федерацийын сулло эмлызыже» (рушла «Заслуженный врач Российской Федерации») — Россий Федерацийысе кугыжаныш чап лӱм.
1995 ий Теле тылзын 30 кечынже чап лӱм нерген кӱштык лектын. 1996 ийыште чап лӱмым икымше айдемылан пуымо.
Чап лӱмым пуымо амал
«Россий Федерацийын сулло эмлызыже» чап лӱмым кӱкшӧ профессионализмым ончыктышо пашам ыштыше эмлызе-влаклан тыгай годым пуалтеш:
- медицин шанчыште да техникыште у йӧн-влакым кучылтын, шке жапыште эмлымаш але эмлымаш-профилактик пашам шуктымылан;
- лӱдыкшӧ чер-влакым эскерыме да эмлыме шотышто у методикым кучылтмылан, кучылтмо методикым саемдымылан. Тидын годым черланыше-влакын чотышт шагалемшаш, тыгак эмлалтмаш жап кӱчыкемшаш;
- кугу кӱкшытан профессионализм дене эмлымаш пашам ыштыме годым медицин аланыште лектышан организатор але шанче пашам шуктымылан;
- медицин тӧнеж-влаклан квалификациян пашаеҥ-влакым ямдылымылан.
«Россий Федерацийын сулло эмлызыже» чап лӱмым посна радам дене пуат. Эмлыме але диагностик пашам тӱҥалме деч вара 20 ий эртымеке (рентген лабораторий да кабинетлаште - 15 ий эртымеке). Ты годым эмлызын кугыжаныш кучемын федерал орган деч награде (поощрений-влак) лийшаш улыт.
Тыгак ончо
- Марий Эл республикын сулло эмлызыже
This article uses material from the Wikipedia Олык Марий (Olyk Marij) article Россий Федерацийын сулло эмлызыже, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.