سویڈن

شروع دے دور وچ سویڈن دے بہت سارے لوگ Odin تے Thor کوں اپݨا خدا منیندے ہن۔ انہاں خداواں دے شکلاں ساکوں پتھراں تے بݨے ہوئے ملدے ہن۔ جس توں اساں اندازہ لا سکدے ہیں کہ اے خدا کس طرح دے ہوسن۔ 1000ء وچ سویڈن Sveland, Norrland تے Götaland دے علاقیاں تے مشتمل ہئی۔ جنوبی Götaland ڈنمارک دا حصہ ہئی۔ جبکہ Härjedalen، Jämtland تے Bohuslän ناروے دے حصے ہن۔ 1600ء وچ کئی جنگاں ہووݨ دے بعد اے علاقے سویڈن دے بادشاہ نے فتح کر گھدے۔ 1398ء توں تقریباً 130 سال تک ڈنمارک، سویڈن تے ناروے دی ہک حکومت ہئی۔ مارگریٹ پہلی ملکہ ہئی جس نے انہاں ترئے ناردن ممالک تے حکومت کیتی۔ 1523ء وچ سویڈن دے بادشاہ Gustav Vasa نے ڈنمارک توں اپݨا ملک الگ کر گھدا۔ اس بادشاہ کوں ملک دا سب توں وݙا بادشاہ منیا ویندا ہے۔ اس نے اپݨے دور وچ معاشی و فوجی نظام کوں بہت بہتر کیتا۔ اس بادشاہ دے ناں تے کئی چیزاں دے ناں رکھے گئے۔ Dalarna وچ Vasaloppet بادشاہ دی یادگار منی ویندی ہے۔ سٹاک ہوم دے ہک بھرے جہاز دا ناں Vasa رکھا گیا۔ اس دے علاوہ کئی گلیاں، عمارات دا ناں ایہو رکھا گیا۔ 1600ء دے بعد دے زمانے کوں سویڈن دا سنہری دور آکھا ویندا ہے۔ اس دور وچ سویڈن دے بادشاہواں نے فن لینڈ تے حکومت کیتی، جرمنی دے کچھ حصے تے Baltikum دے چند علاقے۔ ڈنمارک تے ناروے دے کئی علاقیاں کوں فتح کیتا۔ کارل سویڈن دے بادشاہواں دا ہک عام ناں ہئی۔ کارل 12 جیہڑا 1700ء تک زندہ ریہا۔ انہاں سب بادشاہواں وچ سب توں مشہور ہئی۔ اس نے اپݨی زندگی وچ زیادہ تر جنگاں لڑیاں۔ جݙݨ او Fredriksten قلعے کوں قبضے وچ کرݨ دی کوشش وچ ہئی تاں ایں جنگ وچ او مارا گیا۔ 1818ء توں 1844ء تک کارل یوہان ناروے تے سویڈن دا بادشاہ ہئی۔ بادشاہ کارل 16, Gustaf جیہڑا ہݨ سویڈن دا بادشاہ ہے۔ اس دا تعلق ہوں بادشاہ نال ہے۔

سٹاک ہوم اہم شہر تے دارلحکومت ہے۔ پورے ملک دی آنادی اکانوے لکھ ہے۔