I Rembrandt Harmenszoon van Rijn (Pangayagkas a Holandes: , 15 Julio 1606 – 4 Octubre 1669) metung yang Olandes o Dutch a talapinta ampong taladukit (etcher).
Tuturing de reng dakal a metung kareng mapyang diling talapinta ampong talalimbag (printer) king kasalesayan ning arte o kalalangan king Europa, ampong maulagang dili king amlat o kasalesayan ning Netherlands. Miras king arte ing kayang ambag king metung a panaun ning mitmung kayamanan o pibandian ampong tagumpe king kultura a awsan da reng talasulat amlat o historian a Ginintuang Panaun a Olandes o Dutch Golden Age, nung kapilan dakal ya ayambag ing Ginintuang Panaun a Olandes king pamamintura, a king dakal a paralan kakontra ning istilong Baroque a makababo king Europa kanita, dakal ya ayambag a obra ampong kaparalanan.
Rembrandt van Rijn | |
Sariling Larawan a Makasulud Beret ampong Maki Kwelyung Makatas (1659) neng Rembrandt | |
Lagyu anyang mibait | Rembrant Harmenszoon van Rijn |
---|---|
Mibait | 15 Juliu 1606 Leiden, Dutch Republic (now Netherlands) |
Mete | 4 Octubri 1669 (maki edad a 63) Amsterdam, Republikang Olandes (ngeni Netherlands) |
Nasyonalidad | Dutch |
Propesyon | Pamamintura, Pamaglimbag kareng dukit |
Pangimut | Dutch Golden Age Baroque |
Obra | Danaë, 1636 Jacob de Gheyn III, 1632 |
Kaybat nang anak pamung migtagumpe antimong talapintang larawan (portrait), mebakas ing trahedya ampong personal a kasakitan kareng tawli nang banwang Rembrandt. Nanupata, king mabilug nang bye, sikat la reng kayang limbag iampong pinintura, menatiling matas ing kayang kabilyan antimong talapinta, at kilub ning adwang pulung banwa, dakal ya tirung maulagang talapintang Olandes. Ing mapyang diling tagumpe nang Rembrandt ila pin deng kayang larawan da reng kayang kapanaun, sariling larawan ampong pamaglarawan kareng eksena ibat king Biblia. Metung lang alang kalupa ampong personal a talambye deng kayang sariling larawan, nung nu ne lalon ing kayang sariling alang pamagmaragul ampong mitmung linis pilubluban o sinseridad.
Kareng kayang pinintura ampong limbag, pepakit na ing kayang belwan king klasikong iconography o pamaglarawan kareng sagradung tauan, a binage na king pamangaylangan ning kayang karanasan; uli na niti, king kayang pamaglarawan king metung a eksena ibat king Biblia, makatatak ing belwan nang Rembrandt king partikular a tekstu, ing kayang pamangamit king klasikong pamiugnayan o komposisyon, ampo reng kayang pamagumasid o obserbasyon kareng Judio ning Amsterdam. Uling king kayang pamakiugnayan king kabilyan da reng tau ampo ning meto ketawan, inaus deng metung kareng "metung kareng mapyang propeta ning sibilisasyon" ("one of the great prophets of civilization").
Template:Rembrandt
Persondata | |
---|---|
LAGYU | van Rijn, Rembrandt Harmenszoon |
ALIWANG LAGYU | Rembrandt |
MAKUYAD A PAMILARAWAN | Painter |
ALDO KEBAITAN | 15 July 1606 |
LUGAL KEBAITAN | Leiden, Netherlands |
ALDO KEMATIAN | 4 October 1669 |
LUGAL KEMATIAN | Amsterdam, Netherlands |
This article uses material from the Wikipedia Kapampangan article Rembrandt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.