Leonardo Da Vinci
Leonardo da Vinci (Leonardo di ser Piero da Vinci) (Vinci, le 15 de april 1452 – Castello di Clos-Lucé, le 2 de maio 1519) esseva un artista e scientista italian.
Ille, homine ingeniose e talento universal del Renascentia italian, esseva pictor, sculptor, architecto, ingeniero, mathematico, anatomista, musico e inventor, e ille es considerate un del plus grande genios del humanitate. Ille esseva le filio illegitime del notario Piero da Vinci e Caterina di Meo Lippi (c. 1434–1494), un juvene sclava originari del Caucaso, ma ille esseva educate in le studio del renominate pictor de Florentia, Verrocchio. Su obras le plus cognoscite como pictor es Le Portrait del artista de Leonardo, “Mona Lisa” e “Le Ultime Souper” (vide in basso). In un alte etate ille anque scribeva un serie de breve fabulas, del quales alcunos ha essite traducite in interlingua.
Leonardo da Vinci moriva accompaniate de su fidel Francesco Melzi, qui hereditava su projectos, designos e picturas. Post passar su infantia in su citate ab nascentia, Leonardo da Vinci studiava con le famose pictor florentin Andrea de Verrocchio. Su prime obra de importantia esseva create in Milano al servicio del duce Ludovico Sforza. Postea, ille laborava in Roma, Bologna e Venetia, e passava le ultime annos de su vita in Francia, per invitation del rege Francisco I.
Sovente descripte como un archetypo e symbolo del homine del Renascentia, homine universal, etiam de philosopho humanitari cuje curiositate infinite solmente pote esser comparate a su capabilitate inventive, Leonardo da Vinci es considerate como un del plus grande pictores de omne le tempores e, probabilemente, es le persona con le major numero de talentos in multiple disciplinas que jammais ha existite. Como ingeniero e inventor, Leonardo da Vinci disveloppava ideas multo avantiate pro su tempore, tales como le helicoptero, le carro de combatto, le submarino e le automobile. Multo poc de su projectos deveniva realisate (inter illos le machina pro mesurar le limite elastic de un cablo), a causa que le majoritate non esseva agibile durante ille epocha. Como scientista, Leonardo da Vinci faceva progressar multo le cognoscentia in le areas del anatomia, le ingenieria civil, le optica e le hydrodynamica.
Su association historic le plus famose es le pictura, essente duo de su obras le plus celebre, La Gioconda e Le Ultime Souper, copiate e parodiate in plure occasiones, assi como su designo del Homine de Vitruvio, que esseva reprendite in numerose travalios derivate. Solmente se cognosce circa 20 obras sue, primarimente a causa de su constante (e a vices disastrose) experimentos con nove technicas e su inconstantia chronic. Iste reducite numero de creationes, apud le quadernos que contine designos, diagrammas scientific e reflexiones super le natura del pictura, constitue un legato pro le successive generation de artistas.
Referentias
This article uses material from the Wikipedia Interlingua article Leonardo da Vinci, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.