Идалык пытыме марте 125 кече кодеш.
Пайрем да памятный дате-влак
Лӱмгече
Шке лӱмкечыштым Александра да Людмила-влак палемдат.
Событий-влак
Тугак ончо: Категорий:Сорла тылзын 28 кечысе событий-влак
Марий тӱняште
- 1920 ий — Марий автоном областьыште икымше гана калык чотым шотлымаш (перепись) эртен.
Тӱня мучко
- 1941 ий — Совет Ушемын президиумжо СССР-ыште илыше немыч-влакым Сибирьыш да Казахстаныш кусарыме нерген кӱштыкым луктын.
- 2004 ий — Римский папа Российын патриархше Алексий Кокымшылан Шочынаван Казанский юмоҥажым кучыктен. 1917-ше ийысе революций да черке-влакым толымо деч вара тиде юмоҥа Касвелыш логалын.
- 1921 ий — «Марийская правда» газетын икымше номерже лектын.
Шочыныт
Тугак ончо: Категорий:Сорла тылзын 28 кечынже шочшо-влак
- 1948 ий — Евгения Васильевна Торопова, туныктыш да шанче пашаеҥ. Шернур кундемыште шочын. 1972-шо ий гыч тудо Марий политехник институтышто тыршаш тӱҥалын: ончыч ассистент, вара экономик да финанс кафедрын доцентше лийын. 1997-ше ийыште гын техник университетысе экономик факультетын деканже сомылым шукташ тӱҥалын. 70 утла шанче пашан авторжо. Экономик шанче кандидат.
- 1928 ий — Иван Алексеевич Алексеев, шанчыеҥ да чодыразе, Россий Федерацийысе шанчын сулло пашаеҥже. Шочмо велже – Чуваш Республик. 1976-шо ийыште Марий политехник институтышко пашам ышташ толын: пӱртӱсым да чодырам аралыме кучем кафедрыште тыршен профессор марте шуын. Пушеҥге-влакым арален налаш тӱрлӧ йӧным кучылтмаште кугу специалистлан шотлалтеш. 300 утла шанче пашан, 13 изобретенийын авторжо. Ял озанлык шанче доктор.
- 1948 ий — Виктор Леонтьевич Михайлов, спорт пашаеҥ. Тудо гын спорт аланыште кугу чапым сулен: футболист, «Смена» спорт рӱдерын вуйлатышыже. Спорт мастер.
Коленыт
Калык пале
- Успений кече. Ожно калык тӱрлӧ кушкыл нӧшмым да кинде пырчым черкыш шнуй шӱлышым пурташ конден. А кастене икте-весым кинде пура дене сийленыт.
- Кинде Илян кече палемдалтеш. Тиде кече шурно парчан амбарыш пурен вочмыжым ончыкта. Руш православий йӱлам кучышо-влак тиде кечым Шнуй Юмынаван Успений кечыже маныт.
This article uses material from the Wikipedia Олык Марий (Olyk Marij) article 28 сорла, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.