Идалык пытыме марте 218 кече кодеш.
Пайрем да памятный дате-влак
- Книгапӧрт-влакын кечышт палемдалтеш. Тудым 1995-ше ийыштак эртараш тӱҥалыныт. Историйым ончалаш гын, тиде кечын 1795 ийыште Российысе икымше кугыжаныш книгапӧртым почмо.
Лӱмгече
Ага тылзын коло шымше кечынже Леонтий, Максим, Марк, Никита–влакын лӱм кечышт.
Событий-влак
Тугак ончо: Категорий:Ага тылзын 27 кечысе событий-влак
- 1920 — Пеледыш пайрем икымше гана эртарыме.
- 1606 ийыште поляк-интервент-влак ваштареш восстаний лийын.
- 1703 ийыште Пётр Первый кугыжа ПетроПавловск орым негызлен: тыге Санкт-Петербург ола шочын.
- 1883 ийыште Йошкар Площадьыште Кугыжаныш историй тоштерым почыныт.
- 1930 ийыште Америк гыч Ричард Дрю скотчым шонен лукмыжлан патентым налын.
Шочыныт
Тугак ончо: Категорий:Ага тылзын 27 кечынже шочшо-влак
- 1960 — Оксана Анатольевна Старикова, журналист, кугыжаныш пашаеҥ, Журналист-влак Ушемын вуйлатышыже. Брянск олаште шочын. Паша корныжо «Пенсионер» да «Семейная газета» савыктыш-влак дене кылдалтын: тыште тудо тӱҥ редакторлан тырша.
- 1965 — Роза Петровна Игнаева, марий йылмызе, филологий шанче кандидат (1997).
- Галина Александровна Щербакова, тӱвыра пашаеҥ, Кугезе кумыл ансамбльын вуйлатышыже. У Роҥго кундем, Кундышӱмбал ялыште шочын. Паша ветеран. Марий Эл Республик виктерын чап таныкше дене палемдалтын.
- 1989 — Володя Матвеев, марий мурызо, радиовӱдышӧ, серызе, почеламутчо, драматург, журналист, сценарист.
Коленыт
Тугак ончо: Категорий:Ага тылзын 27 кечынже колышо-влак
Калык пале
- Шнуй Исидорын кечыже. Тиде кечын ояр игече шога гын, кияр сайын шочеш. Тыгак Сидыр кечын пытартыш вараксим тӱшка толеш, маныныт.
- Марий калыкын мифологийыштыже вараксим шнуй кайыклан шотлалтеш. Тудо леваш йымалне шке пыжашыжым опта гын, ешлан пиалым сӧра. «Вараксимла вычыматен илыза» - тиде ойсавыртыш марий-влак коклаште чӱчкыдын вашлиялтеш.
This article uses material from the Wikipedia Олык Марий (Olyk Marij) article 27 ага, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.