Идалык пытыме марте 70 кече кодеш.
Пайрем да памятный дате-влак
- Школысо книгагудо-влакын кечышт.
Лӱмгече
- Шыжа тылзан коло кокымшо кечынже Абрам, Афанасия, Максим, Петр да Яков–влакын лӱм кечышт.
Событий-влак
Тугак ончо: Категорий:Шыжа тылзын 22 кечысе событий-влак
- 1938 — изобретатель Честер Карлсон историйыште икымше гана ксерокопийым ыштен.
- 1962 — Карибский кризис тӱҥалын. США-н президентше Джон Кеннеди Куба дене экономический кылым кӱрлын.
- 1990 — Горький олалан тудын ончычсо лӱмжымак пӧртылтымӧ
Марий тӱняште
Шочыныт
Тугак ончо: Категорий:Шыжа тылзын 22 кечынже шочшо-влак
- 1896 — Яков Николаевич Тюлькин, Совет Ушем Герой. Тудо Марий Тӱрек кундем Руш Купта ялыште шочын-кушкын.
- 1915 — Александр Ягельдин, марий серызе, туныктышо, 1941–1945 ийласе Кугу Ачамланде сарын участникше.
- 1953 — Евгений Юрьевич Марков, Марий Элын сулло туныктыш пашаеҥже. У Роҥго кундем Шудасола ялыште шочын-кушкын. Илыш корныжым тудо спорт да капкылкультур дене кылден. 1988-ше ий гыч Кельмаксола кыдалаш школышто туныктышылан тыршаш тӱҥалын. Ялысе школышто таза кап-кылым шуарыме методик книган авторжо. Евгений Юрьевич кажне ийын тазалык да спорт фестивальым эртара – тидын денат кугу пагалымашым сулен.
- 1954 — Александр Львович Маклыгин, семлызе, Россий Федераций сымыктышын сулло пашаеҥже Киров вел Куммер ял гыч. Шинчымашым Йошкар-Оласе музык училищыште, Озаҥ, Моско оласе консерваторийлаште поген. Ынде 30 ий наре Озаҥ оласе консеваторийыште туныктышылан пашам ышта. Профессор, композиций кафедрым вуйлатен. Александр Львович марий сем сымыктышым шымлымыж дене чапланен.
- 1966 — Татьяна Викторовна Батракова, сӱретче Марий Эл кугыжаныш премийын лауреатше. Киров вел Ӱлыл Пузинер ялеш шочын. Паша корныжо 1988-ше ийыште тӱҥалын: курчак театрыште бутафор, оформитель лийын. 11 ий ончыч художник-постановщиклан тыршаш тӱҥалын. «После дождичка» спектакльлан кугыжаныш премийымат налын.
Коленыт
Тугак ончо: Категорий:Шыжа тылзын 22 кечынже колышо-влак
Калык пале
Яковын кечыже. Тиде кечын ожно телылан пуым ямдыленыт: пӱчкыныт, нӱжыныт руэныт, шелыштыныт…
This article uses material from the Wikipedia Олык Марий (Olyk Marij) article 22 шыжа, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.