Идалык пытыме марте 254 кече кодеш.
Пайрем да памятный дате-влак
- Бразилий, Тирадентесын кечыже. 1792 ийыште Рио-де-Жанейро олаште португалец-влак Бразийлийын эрыкше верч кучедалше де Тирадентесым моктеныт.
- Италий, — Рим олалан негызым пыштеныт.
- Кений, — Пушеҥгым шындыме кече.
- Пакистан, Икбалын кечыже. 1938 ийыште тиде кечын Мусульман лигын президентше, поэт Мухаммед Икбал шочын, тудо Пакистаныште духовный ачалан шотлалтеш.
- УАШ, Техас, Сан-Хасинтон кечыже.
- Россий, Верысе кучем-влакын пайремышт (день местного самоуправления).
Лӱмгече
- Католик лӱм-влак: Ансельм, Конрад, Феликс.
- Танле (православный) лӱм-влак: Марфа, Нифонт, Родион, Сусанна, Флегонт.
Событий-влак
Тугак ончо: Категорий:Вӱдшор тылзын 21 кечысе событий-влак
- 1932 ий — Мÿндыр Эрвелысе теҥыз флотын шочмо кечыже.
- 1954 ий — Совет Ушем ЮНЕСКО радамыш пурен.
- 1972 ий — «Апполон-16» американ корабль Тылзыш шинчын.
Шочыныт
Тугак ончо: Категорий:Вӱдшор тылзын 21 кечынже шочшо-влак
- 1867 ий — Павел Петрович Глезденёв, сотемдарче (просветитель), журналист, икымше марий газет-влакын редакторжо, йылмызе, туныктышо.
- 1929 ий — Игнатий Романович Ямулов, уста пашазе, Социалистик паша герой. Провой кундем Мари-Отар ялыште шочын. Юлсер оласе Марбумкомбинатыште 26 ий сварщиклан пашам ыштен. Тудын вуйлатыме бригадыже Совет Ушем мучко кугу лектышым ончыктымыж дене ойыртемалтын. Тиде пашажым аклен, Игнатий Романовичым ятыр чап танык да «Знак Почёта» орден дене палемденыт.
- 1947 ий — Сергей Васильевич Царегородцев, хор да ансамбль-влакын вуйлатышыже, Марий Эл Республикысе тӱвыран сулло пашаеҥже. Ончыч «Заря» фабрикыште ӱдырамаш-влак хорым чумырен, 14 ий Азановысо калык хорым вуйлатен, а 1982-ше ий гыч Йошкар-Оласе витамин заводын художественный вуйлатышыжлан шогалын. Тыште Сергей Васильевич «Гармонь» калык ансамбльлан тӱҥалтышым пыштен. А тиде ансамбльым Марий Элыште гына огыл, моло кундемлаштат сайын палат. Тыште уста вуйлатышын надырже эн кугу. Сергей Васильевич шкежат «Играй, гармонь!» российысе конкурсын лауреатше лӱмым кум гана сулен.
- 1940 ий — Игорь Аркадьевич Пахмутов, шанче-ветеринар. Козьмодемьянск олаште шочын. Ончыч ял озанлык министерствыште тыршен, а вара туныктымо пашашке куснен. Марий кугыжаныш университетысе ял озанлык факультетын деканже лийын. 1980-шо ийыште Угарманысе кугыжаныш университетыш куснен. 120 наре шанче пашан авторжо. Ветеринарий наука доктор, профессор.
- 1973 ий — Сергей Константинович Свечников, шанчыеҥ, историй шанче кандидат. Курыкмарий кундемыште шочын. Паша корныжо Марий шанче да шымлыше институт дене кылдалтын.
Коленыт
Тугак ончо: Категорий:Вӱдшор тылзын 21 кечынже колышо-влак
Калык пале
Родионын кечыже. Калык ой почеш тиде кечын тылзе ден кече вашлийыт: игече тÿрлö лийын кертеш. Тиде кечын ужава лектеш гын, эркын-эркын мланде пашалан ямдылалтман.
This article uses material from the Wikipedia Олык Марий (Olyk Marij) article 21 вӱдшор, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.