15 Пеледыш

Идалык пытыме марте 199 кече кодеш.

•   Армений — кугыжаныш тистын кечыже палемдалтеш
•   Азербайджан — Кугыжаныш утаралтмаш кече.
•   Даний — Вальдемар II Кугыжан кечыже, Данийсе тистын кечыже.
•   Коста-Рика — Пушеҥгым шындыме кече.
•   Киргизий — Тулазап дене кучедалше-влакын кечышт.
•   Кечывалвел Корей — Ялозанлык кече

• Танле лӱм-влак: Дмитрий, Иван, Константин, Мария, Никифор, Иулиания, Даниил.
• Католик лӱм-влак: Софья, Иоанн, Исидор.

Тугак ончо: Категорий:Пеледыш тылзын 15 кечысе событий-влак

• 1667 ий — Жан-Батист Дени историйыште икымше гана ик айдемын вӱржым вес айдемын вӱргорнышкыжо колтен.
• 1885 ий — Российыште ӱдырамашлан да йоча-влаклан йӱдым пашам ышташ чарыше закон лектын.

Тугак ончо: Категорий:Пеледыш тылзын 15 кечынже шочшо-влак

• 1912 ий — Ахмет Асаев, марий серызе, шанчызе, журналист, кусарыше, драматург, СССР Серызе-влак ушемын йыжъеҥже, Марий АССР-ысе тӱвыран сулло пашаеҥже.
• 1928 ий — Владимир Брониславович Муравьёв, кусарыше да серызе, Марий Эл Республикысе тӱвыран сулло пашаеҥже. Моско олаште шочын. Шкеже руш гынат, марий йылмым тунемын да ятыр марий писательын произведенийыштым руш йылмыш кусарен: кокла шот дене ончалаш гын, 50 наре книга погына. Но ик эн суапле пашажлан архив фондышто С.Г. Чавайнын «Элнет» романжын кокымшо книган рукописьшым муымыжым шотлена. Тиде рукопись йомын ыле.
• 1940 ий — Самят Сабирович Рахмаев, ял озанлык да администраций вуйлатыше, Россий Федерацийысе ялозанлыкын сулло пашаеҥже. 1968-ше ийыште У Роҥго кундемын тӱҥ ветврачшылан тыршаш тӱҥалын, вара Курыкмарий кундемышкат логалын. 7 ий «Марийское» озанлык ушемым вуйлатен. Марий Элысе ял озанлык министр лийын. Ветеринарий шанче кандидат.
• 1942 ий — Анатолий Ефимович Липов, фотомастер. Килемар кундемыште шочын. Студент улмыж годымак фотографирований паша дек шӱмаҥын. Лач тиде пашаж ден кугу чапым сулен: фотографий–влакше келге шонымашан да айдеме чон шижмашым кумдан почын пуышо улыт. Совет Союз кӱкшытыштӧ эртаралтше ончерлаште ятыр гана лауреат лӱмым налын. Тиде пашажым аклыде кодымо огыл: ятыр чап танык дене палемдалтын.
• 1948 ий — Людмила Ивановна Хотынская, кочкыш индустрий специалист, Россий Федерацийысе торгайымашын сулло пашаеҥже шочын. Саранскысе кооператив техникумым тунем лекмек, Советский посёлкысо райпошто пашам ышташ тӱҥалын, вуйлатыше мартеат шуын.
• 1949 ий — Александр Яковлевич Соснов, семлызе, Россий Федерацийысе тувыран сулло пашаенже. Курыкмарий кундем Шапкилей ялыште шочын. Паша корныжо тӱҥ шотышто шочмо кундемысе Виловатово школ дене кылдалтын. Тыгодымак уста туныктышо куштышо да мурышо ансамбльымат чумырен. Александр Яковлевич семлызе семынат чапланен: 2 муро сборникын авторжо.

Тугак ончо: Категорий:Пеледыш тылзын 15 кечынже колышо-влак

• Никифорын кечыже. Ты кече гыч пареҥгым ураш тӱҥалыт..

	15 пеледыш Викиклатыште?