Юрий Петров (Юрий Данилович Петров), (1920 ага 28, РСФСР, Нижний Новгород ола — 4 шыжа 2007, Йошкар-Ола) — руш серызе, почеламутчо, журналист, мер пашаеҥ, Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).
Чавайн лӱмеш Кугыжаныш премий">Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).
Юрий Данилович Петров | |
---|---|
Юрий Петров | |
Шочмаш дене лӱм | Юрий Данилович Петров |
Шочын | 1920 ий 28 ага |
Шочмо вер | РСФСР, Нижний Новгород ола |
Колен | 2007 ий 4 шыжа (87 ий) |
Колымо вер | Йошкар-Ола ола |
Тыршымаш алан | почеламутчо |
Чап пӧлек да премий | Марий АССР-ысе Кугыжаныш премий (1977), , Марий АССР-ысе тӱвыран сулло пашаеҥже (1980) |
Юрий Петров 1920 ийын ага тылзын 28-ше кечынже Нижний Новгород олаште шочын. 1921 ийыште ешыже Краснококшайск (Йошкар-Ола) олашке илаш кусна. Школым тунем пытарыме деч вара 1939-1940 ийлаште Юрий Петров Нархозучётын Управленийыштыже статистиклан пашам ыштен. 1941 ийыште РККА-н Ленинградысе сар-юж академийын лаборантше лиеш. 1943 ийыште 185-ше заводыш контроль мастерлан пашам ышташ кусна. вес ий гыч 1953 ий марте НКВД-ште, МГБ-ште пашам ышта. Заочный курс дене Марий кугыжаныш педагогике институтым тунем пытара. 1953-шо ий гыч сулен налме канышыш лекме марте «Марийская правда» газет редакцийыште тырша. Литсотрудник лийын, литератур, тӱвыра да сымыктыш пӧлкам вуйлатен. Сылнымут лаштыкым вӱден.
Юрий Петров поэт семын палыме улеш. Йоча да кугурак-влакланат возгален. 1970 ийыште самырык-влаклан «Паша и Маша» книгам савыктен луктын. Варажым вес ойпого-влакат лийыныт.
1977 ийыште «Октябрьская повесть» ден «Десятая высота» книгаже-влаклан Юрий Петров МАССР Кугыжаныш премийым налеш.
Юрий Петровын пашажым кӱкшын аклен, Марий АССР-ысе тӱвыран сулло пашаеҥже лӱмым 1980 ийыште пуэныт.
This article uses material from the Wikipedia Олык Марий (Olyk Marij) article Петров, Юрий Данилович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.