Трифонова, Эльвира Андреевна
Эльвира Трифонова (1968 пеледыш 12, Марий АССР, У Роҥго кундем, Колыгудо ял) — марий мурызо, Марий Эл Республикысе тӱвыран сулло пашаеҥже (1998).
| Эльвира Андреевна Трифонова | |
|---|---|
| Эльвира Трифонова | |
 Марий мурызо сценыште П. Васильевын фотожо. | |
| Шочын | 1968 ий 12 пеледыш (55 ий) |
| Шочмо вер | Марий АССР, У Роҥго кундем Колыгудо ял |
| Эл | |
| Йоча-влак | эрге |
| Чап пӧлек да премий | |
Биографий
Эльвира Трифонова Марий АССР, У Роҥго кундем, Колыгудо ялыште 1968 ий пеледыш тылзын 12-шо кечынже шочын. У Роҥгысо школын 8 классшым 1983 ийыште пытарен. Вара Йошкар-Олаш, сем училищыш тунемаш пурен. Домра дене йоҥгалтарен. Вара Марий кугыжаныш педагогик институтышто шинчымашым поген, вара угыч сем училищыш вокальный пӧлкаш пурен.
И.С. Палантай лӱмеш музыкальный училищыште тунеммыж годымак, тудо Йошкар-Оласе М.И.Калинин лӱмеш тӱвыра полат пеленсе "Наигрыш" калык семӱзгар оркестрыште шоктен. Вуйлатен ты коллективым Александр Леонидович Федяев. Эльвиран сай йӱкшым колынат, чӱчкыдынак оркестр почеш мураш лекташ йодын.
 | - А вара Александр Леонидович Медведево районысо Ежово селашке культура пöртыш пашам ышташ кусныш. Оркестржат туштак ыле. Музыкальный училище деч вара мыйым 1987 ийыште Параньгашке йоча музыкальный школыш пашам ышташ колтышт. Ик ий гыч Н.Крупская лӱмеш пединститутыш тунемаш пурышым. Тунамак Ежово селасе культура пöртыш пашаш налыныт. Пединститут деч вара эше музыкальный училищын вокальный отделенийжым тунем лектын шуктенам. Кок гана музыкальный училищым тунем пытаренам вет. - Ондак домристка, а вара вокалистка семын. |  |
Еш
Эргыже уло.
Тӱвыра паша
Тӱҥ шотышто марий калыклан Эльвира Трифонова мурызо семын палыме. Тиддеч посна Эльвира МарКТУ пеленысе «Светлица» руш калык мурым мурышо ансамбльым вуйлата. Чӱчкыдын пырля концертым шындат. Тылеч посна Эльвира Трифонова «Марий памаш» ансамбль дене пашам ышта. Ты коллектив марий калык мурымат йоҥгалтара. Мурызо Ежово селасе культура да каныме рӱдерыште "Журавушка" ветеран да "Ежики" йоча ансамбль-шамычым вуйлата (1998 ий гыч). Но тидын дене гына ок серлаге. Эльвирам "Гармонь" калык ансамбльын солисткыже семынат палат. Икмыняр ий ончыч ты коллектив дене Нижний Новгород олашке "Венок Поволжья" фестиваль-конкурсыш миен ыле. Калык мурым йоҥгалтарыше мурызо-влак коклаште икымше верым да лауреат лӱмым сеҥен налын. Пашажым кӱкшын аклен, Эльвира Трифоновалан Марий Эл тӱвыран сулло пашаеҥже лӱмым пуеныт.
Муро-влак
- Эльвира Трифонова - Эрвел такмак-влак
- Эльвира Трифонова - Иленат кертам улмаш
- Эльвира Трифонова - Алян мурыжо
- Эльвира Трифонова - Рвезе, тый каласе
- Эльвира Трифонова - Кеҥеж кас
- Эльвира Трифонова - Лиеш сӱанет
- Эльвира Трифонова - Чеверынат-чеверын
- Эльвира Трфионова - Вучем пӧртылметым
- Эльвира Трифонова, Анатолий Зарецких, Лилия Петухова, Володя Матвеев, Артур Ефремов - Чоным почын мурена
- Эльвира Трифонова, Анатолий Зарецких, Володя Матвеев - Олян гына
This article uses material from the Wikipedia Олык Марий (Olyk Marij) article Трифонова, Эльвира Андреевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.