Стариков, Евгений Степанович
Евгений Стариков (Евгений Степанович Стариков) (1936 пургыж 3, РСФСР, Татар АССР, Нурлат кундем, Ходяшево ял — 23 сорла 2007, Юлсер-Ола) — руш серызе, почеламутчо, Марий Эл Республикысе тӱвыран сулло пашаеҥже (1986), Юлсер_Олан почётан гражданинже (1996), Россий Федерацийысе тӱвыран сулло пашаеҥже (1997), Россий Серызе-влак ушемын йыжъеҥже (2005).
| Евгений Степанович Стариков | |
|---|---|
| Евгений Стариков | |
| Шочмаш дене лӱм | Евгений Степанович Стариков |
| Шочын | 1936 ий 3 пургыж |
| Шочмо вер | РСФСР, Татар АССР, Нурлат кундем, Ходяшево ял |
| Колен | 2007 ий 23 сорла (71 ий) |
| Колымо вер | Юлсер-Ола |
| Чап пӧлек да премий | Марий Эл Республикысе тӱвыран сулло пашаеҥже (1986), Юлсер_Олан почётан гражданинже (1996), Россий Федерацийысе тӱвыран сулло пашаеҥже (1997), Марий Эл Республик Виктерын Чапкагазше (2003) |
Илыш корныжо
Евгений Стариков 1936 ийын пургыж тылзын 3-шо кечынже РСФСР, Татар АССР, Нурлат кундем, Ходяшево ялеш шочын. 1944 ийыште Стариковмыт еш МАССР-ысе Юлсер-Олаш куснен.
1955 ийыште Юлсер-Оласе 4-ше №-ан кыдалаш школым пытарыме деч вара Совет Армийыш налыныт. Украинысе Днепропетровск область Павлодар оласе лётный училищыште служитлен.
1958 ийыште Йошкар-Оласе музык училищыш пурен. 1961 ийыште училищым пытарымек, Юлсер-Оласе музык школышто баян дене туныктышылан ыштен, 1963 гыч 2007 ий марте ты школын директоржо лийын. 1971 ийыште Н.К. Крупская лӱмеш Марий педагогике институтым пытарен.
Почеламутым школышто тунеммыж годым возаш тӱҥалын. 1976 ий гыч «Волжская правда» газетыште почеламут ден мыскара ойлымашлам савыкташ тӱҥалын. Чылаже 30 наре ойлымашым да 100 утла почеламут ден пародийым савыктен. Республикысе савыктышлаште: «Молодой коммунист», «Марийская правда» газетлаште, «Пачемыш», «Ончыко» журналлаште да тӱрлӧ сборниклаште эреак савыкталтын. 50 наре мурым возен.
2000 ийыште почеламутшо-влак «Радуга над Волжском» сборникыште савыкталтыныт. 2001 ийыште «Серпантин» икымше почеламут да пародий-влак книгаже лектын. Вара «Берёзовый край», «Симфония любви» да «Надо просто жить» сборник-влак лийыныт.
Ик жапыштак семым возен. Икмыняр гимным: «Ариада» хоккей клубын, Волжскысо журналист-влакын, пенсионер партийын – гимныштым серен.
Тӱҥ произведенийже-влак
- Счет 4:0 : рассказ // Дружба. Йошкар-Ола, 1982.С. 128—129.
- Сюрприз : рассказ // Дружба. Йошкар-Ола, 1983. С. 79—81.
- Стихи // Радуга над Волжском. Волжск, 2000. С. 3—26 ; 2005. С. 3—16.
- Серпантин : стихи. Волжск, 2001. 68 с.
- Симфония любви : рассказы. Волжск, 2004. 72 с.
- Хобби : рассказ // Русское слово Марий Эл. Йошкар-Ола, 2004. С. 201—203.
- Надо просто жить : стихи. Волжск, 2005. 48 с.
- Стихи // Зеленая лампа. Йошкар-Ола, 2006. С. 60—69.
Марлаш кусарыме произведенийже
- Ужнемак ыле : почеламут / Э. Анисимов кусарен // Ончыко. 1991. № 6. С. 102.
Илышыже да творчествыже нерген литератур
- Швецова О. Люди, познавшие материнскую любовь [о семье Стариковых] // Наш город. 2003. 27 нояб.
- Краткая биогр. справка // Русское елово Марий Эл. Йошкар-Ола, 2004. C. 201.
- Калинкин Г. «Симфония любви» // Волжская правда. 2004. 30 дек.
- Калинкин Г. В полку писателей прибыло // Волжская правда. 2006. 16 марта.
- Калинкин Г. Для искусства возраст — не помеха // Мар. бумажник. 2006. 24 нояб.
- МБЭ. Йошкар-Ола, 2007. С. 346.
Чап
- СССР Тӱвыра министерствын «За отличную работу» чап тамгаже (1983).
- Марий Эл Республикысе тӱвыран сулло пашаеҥже (1986).
- Юлсер_Олан почётан гражданинже (1996).
- Россий Федерацийысе тӱвыран сулло пашаеҥже (1997).
- Марий Эл Республик Виктерын Чапкагазше (2003).
- Россий Серызе-влак ушемын йыжъеҥже (2005).
Литератур
This article uses material from the Wikipedia Олык Марий (Olyk Marij) article Стариков, Евгений Степанович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.