Наталья Николаевна Глухова (1954 шыжа 16, Марий АССР, У Торъял кундем, Какшанмучаш сола) — марий йылмызе, шанчызе, туныктышо, кусарыше, филологий шанче доктор (1997), профессор (1998), Россий Федерацийын кӱшыл профессионал туныктышын почётан пашаеҥже.
Наталья Николаевна Глухова | |
---|---|
Шочын: | 1954 ий 16 шыжа (69 ий) |
Шочмо вер: | Марий АССР, У Торъял кундем, Какшанмучаш сола |
Эл: | Совет Ушем Россий |
Шанче алан: | йылмызе |
Паша вер: | Марий кугыжаныш университет |
Шанче степень: | филологий шанче доктор |
Шанче чап лӱм: | профессор |
Чап пӧлек да премий | Россий Федерацийын кӱшыл профессионал туныктышын почётан пашаеҥже, Йошкар-Ола администрацийын Чапкагазше (1997), Марий Эл Республик Виктерын Чапкагазше (2002, 2014), Марий кугыжаныш университетын Чапкагазже (2004) |
Кышкар:Аҥа/Викицитатник |
Наталья Николаевна 1954 ий шыжа тылзын 16-шо кечынже Марий АССР У Торъял кундем Какшанмучаш солаште шочын.
1977 ийыште Н.К. Крупская лÿмеш Марий кугыжаныш педагогике институтын йот йылмысе факультетыште англичан-немыч отделенийым тунем пытарен. 1980-1983 ийлаште Москосо В.И. Ленин лÿмеш педагогике институтышто аспирантурышто тунемын. Н. Н. Глухова Н. К. Крупская лÿмеш Марий кугыжаныш педагогике институтышто йот йылме факультетыште англичан йылмым туныктен. 1986-1987 ийлаште англичан филологий кафедрын вуйлатышыже лийын, 1988-1991 ийлаште йот йылме факультетын деканжылан пашам ыштен. Варасе ийлаште Н. Н. Глухова марий фольклорын стильжым шымлен. Тиде теме почеш статья радамым да кум монографийым луктын. 1993 ий гыч Марий кугыжаныш университетыште пашам ышта. 1997 ийыште доктор диссертацийым арален. Темыже – «Марий заговор-влакын йылмыже да чимарий молитва-влак». Кызытсе жапыште Н.Н. Глухова – Марий кугыжаныш универститетыште финн-угор да таҥастарыме филологий кафедрын вуйлатышыже.
Кызыт Н. Н. Глухова тыгай шанче пашам шуктен шога: общий тÿшка да таҥастарыме йылмышанче; таҥастарыме типологий ден герман йылме-влакын; Российысе калык-влакын йылмышт да фольклорышт; финн-угор этнолингвистика; культур антропологий; этнопсихологий; лингвокультурологий; лингвофольклористика да тулеч молат. Тиде дисциплина-влак почеш тудо лекцийым лудеш да спецкурсым вÿда. Глухова Н.Н. 190 наре шанче да методический паша-влакын авторжо улеш. 40 публикацийже 11 элыште англичан йылме дене лектын. Педагогике да шанче пашаже Марий Эл Республикын Чап грамотож дене (2002 ий, 2014 ий ), Йошкар-Оласе администрацийын Чап грамотож дене (1977 ий), Марий кугыжаныш педагогике институтын да Марий кугыжаныш университетын Чап грамотож-влак дене палемдалтын (1979, 1985, 1987, 2004 ийла). Марий кугыжаныш университетын почетан профессоржо.
This article uses material from the Wikipedia Олык Марий (Olyk Marij) article Глухова, Наталья Николаевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.