Букетов, Аркадий Иванович
Аркадий Букетов-Сайн (Аркадий Иванович Букетов) (1933 шорыкйол 6, Марий АССР, Морко кундем, Эҥерӱмбал Шале ял —16 ага 2009) — марий серызе, почеламутчо, журналист, туныктышо, кусарыше, РСФСР Журналист-влак ушемын йыжъеҥже (1982), МССР-ын сулло журналистше (1991).
| Аркадий Иванович Букетов | |
|---|---|
| Аркадий Букетов-Сайн | |
| Шочмаш дене лӱм | Аркадий Иванович Букетов |
| Шочын | 1933 ий 6 шорыкйол |
| Шочмо вер | Марий АССР, Морко кундем, Эҥерӱмбал Шале ял |
| Колен | 2009 ий 16 ага (76 ий) |
| Чап пӧлек да премий |
|
Илыш корныжо
Аркадий Букетов-Сайн 1933 ийын шорыкйол тылзын 6-шо кечынже Марий АССР Морко кундем Эҥерӱмбал Шале ялеш кресаньык ешеш шочын. 1956 ийыште Н.Крупская лумеш Марий педагогике институтышто историко-филологический факультетым пытарен. Латвич ий утла Шеҥше кыдалаш школышто руш да марий йылме ден литературым туныктен, вич ий наре КПСС Морко райкомышто инструкторлан ыштен, а вара журналист пашаш куснен. Аркадий Букетов-Россий Федерацийын Журналист-влак Ушем член, Марий Эл Республикын заслуженный журналистше. 16 май 2009 ийыште колен.
24 сентябрь 2009 ийыште "Морко ола сынан илем" Муниципальный образованийын администрацийже Морко поселкыште Аркадий Букетов уремым пуэныт.
Икымше сылнымут аршашыже "ВИС-ВИС ШЫРГЫЖЕШ" 1974 ийыште савыкталтын. Кокымшо книгаже "ОШ КУЭ КОНЧА ОМЕШ" 2004 ийыште лектын. Эпослык поэме "ОТОГОН" — кумшо книгаже 2006 ийыште савыкталтын. Нылымше книгаже "ЛУННЫЙ ВАЛЬС" руш йылме дене лектын 2006 ийыште. "ПЫШТЕ МЫЙЫМ ШУМЫШКЕТ" — поэтын визымше книгаже ош тӱням 2007 ийыште ужын.
Тӱҥ произведенийже-влак
- Висвис шыргыжеш : поэма, почеламут-влак [Ромашка улыбается : поэма, стихи]. Йошкар-Ола, 1974. 48 с.
- Почеламут-шгак//Ончыко. 1997. № 3. С. 81—83.
- Ынже воч тамга шӱмешна: почеламут аршаш // Ончыко. 1999. № 12. С. 15—17.
- Лиеш тӱрлыжат ; Пиалан улам : почеламут-вл. // Ончыко. 2000. № 12. С. 20.
- Ош куэ конча омеш : почеламут, муро, мыскара [Снится белая береза : стихи, песни, юмор]. Йошкар-Ола, 2004. 128 с.
- Ӧтӧгӧн : эпослык поэма [Эпическая поэма]. Йошкар-Ола, 2006. 104 с.
Руш йылмыш кусарыме произведенийже-влак
- Берн меня в оны : стихотв. / пер. И. Давыдова // Мар. правда. 1985. 2 мая.
- Из лирической тетради : подборка стихов // Морко мланде. 1993. 14 сент.
- Лунный вальс : стихи. Йошкар-Ола, 2006. 112 с.
Илышыже да творчествыже нерген литератур
- Букетов-Сайн А. Илыш мӧр пеледыш огыл...: шарнымаш // Марий Эл. 1997. C. 26—29
- Сайн — тиде порылык // Ямде лий. 2004. 14 февр.
- Егоров В. Самырык чонан поэт // Марий Эл. 2006. 12 май.
- Тау, тыланет, ачай! // Марий Эл. 2006. 29 дек.
- Краткая биогр. справка // Букетов-Сайн А. Лунный вальс : стихи. Йошкар-Ола, 2006. С. 4.
- Поэзий кумыл тек ныжылгын йога // Кугарня. 2008. 11 янв.
Чап
«Паша ветеран» медаль.- РСФСР Журналист-влак ушемын йыжъеҥже (1982)
- МССР-ын сулло журналистше (1991).
Кылвер-влак
Литератур
Важ-влак
This article uses material from the Wikipedia Олык Марий (Olyk Marij) article Букетов, Аркадий Иванович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.