Алексеев, Роман Юрьевич
Роман Юрьевич Алексеев (1976 шыжа 23, РСФСР, Марий АССР, Йошкар-Ола ола) — марий актер, режиссёр, мурызо, киноактер, Марий Эл Республикын сулло артистше (2006), Марий Эл Республикын Калык артистше (2018), Марий Эл Республикысе М.
Шкетан лӱмеш Кугыжаныш премий">Марий Эл Республикысе М. Шкетан лӱмеш Кугыжаныш премийын лауреатше (2021), М. Шкетан лӱмеш Марий кугыжаныш драме театрын тӱҥ режиссержо.
| Роман Юрьевич Алексеев | |
|---|---|
| Роман Алексеев | |
| Шочмаш дене лӱм | Роман Юрьевич Алексеев |
| Шочын | 1976 ий 23 шыжа (47 ий) |
| Шочмо вер | РСФСР, Марий АССР, Йошкар-Ола ола |
| Чап пӧлек да премий | Марий Эл Республикын Калык артистше (2018), Марий Эл Республикын сулло артистше (2006) Марий Эл Республикысе М. Шкетан лӱмеш Кугыжаныш премийын лауреатше (2021) |
Илыш корныжо
Роман Алексеев 1976 ийын шыжа тылзын 23-шо кечынже Йошкар-Олаште театр пашаеҥ ешыште шочын. 1998-ше Щепкин лӱмеш кӱшыл театр училищым тунем пытарымеке, Шкетан лӱмеш Марий кугыжаныш драм театрышке пашам ышташ толеш.
 | — Мый техникылан шÿман улам, сандене изиэм годсек шофёр лияш шоненам,- ойла Роман.- Но 7-ше школышто латик классым тунем пытарымеке, ачам ден авам Москвашке, Щепкин лÿмеш училищыш, ÿдыр-рвезе-влакым погымо нерген колыныт да мыламат тöчен ончаш темленыт. Тыге мый тушко логалынам. Очыни, училищыш конкурсым эрташ тудлан артист-влак коклаште яра жапшым эртарымыжат полшен. Варажым шарналтен ойлен: «Каникул жапыште ачам ден авам гастрольыш кайымышт годым мыйым эреак пеленышт налыныт. Да тиде веле огыл, театрыштат шуко жапым эртараш логалын». |  |
1998 ийыште М.Щепкин лÿмеш Кÿшыл театр училищым тунем пытарен, Ж.Б.Мольерын пьесыж почеш «Тартюф» диплом спектакльыште Тартюфын рольжым модын, «Драматический театрын да кинон актёржо» специальность дене дипломым налын да М.Шкетан лÿмеш Марий кугыжаныш драма театрыш пашаш толын. Варажым Р.Алексеев М.Шкетанын «Эреҥерыштыже» Сакарым, С.Николаевын «Саликаштыже» Сармаевым, Ю.Байгузан «Порсын лÿҥгалтыштыже» Ирын да моло спектакльыштат тÿрлö рольым модын да модеш. Тачысе кечылан тудын репертуарыштыже коло чоло роль погынен. Чылаштыжат артистын шкешотан улмыжо, образыш келгын пурен моштымыжо, геройжын илышыж денак илаш тыршымыже раш шижалтыт. Тидыжлан содыки режиссёрын ассистентше пашам кок ий наре ыштымыжат, режиссёр курсышто тунеммыжат кугун полшат: Б.Щукин лÿмеш Театр институтын режиссура отделенийыштыже тунемын, 2008 ийыште дипломым налын. Кызыт тудо М.Шкетан лÿмеш Марий кугыжаныш драма театрын тÿҥ режиссёржылан ышта. А.Слаповскийын «Блин-2», А.Володинын «Пять вечеров», В.Гуркинын «Саня, Ваня, с ними Римас» произведенийышт почеш «Блин-2», «Улыжат вич кас», «Вучо, мане, пöртылам», тыгак В.Регеж-Гороховын «Кугезе муро» драмыж почеш спектакль-влакым калык куанен онча, кÿкшын акла. Чыла тиде веле огыл, Роман Юрьевич кызыт эше Палантай лÿмеш тӱвыра да сымыктыш колледжыште туныкта.
Спектакльласе роль-влак
- Урядник (М.Шкетан, «Ачийжат-авийжат»)
- Постовой (А.Пудин, «Ой, луй модеш»)
- Барабанщик (А.Слаповский «Клинч»)
- Аксар (К.Коршунов, «Аксар и Юлавий»)
- Сын (Ю.Байгуза, «Кресудыр»)
- Илмаринен («Калевала»)
- Зилов (А.Вампилов «Утиная охота»)
- Петра (А.Островского «Лес»)
Чап
- Марий Эл Республикын сулло артистше (2006)
- Марий Эл Республикын Калык артистше (2018)
- Марий Эл Республикысе М. Шкетан лӱмеш Кугыжаныш премийын лауреатше (2021)
Кылвер-влак
This article uses material from the Wikipedia Олык Марий (Olyk Marij) article Алексеев, Роман Юрьевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контентым CC BY-SA 4.0 лицензий почеш кучылт кертыда (весым возымо огыл гын). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Олык Марий (Olyk Marij) (DUHOCTRUNGQUOC.VN) is an independent company and has no affiliation with Wiki Foundation.