梵文(粵拼:faan6 man4;梵文:संस्कृता वाक् saṃskṛtā Vāc;短寫संस्कृतम् saṃskṛtam)係印度經典語文,印度敎、佛敎、錫克敎同埋耆那教都係用佢嚟寫經典。梵文係印度廿三隻法定話之一。
梵文喺南亞同東南亞嘅地位,同歐洲希臘文同拉丁文一樣咁特殊。佢影響、發展成今時今日好多種話。喺經典時期之前,梵文以吠陀梵文出現,呢隻文就出現喺梨俱吠陀上面,係現存最古老嘅梵文。吠陀梵文可以推上公元前1500年,係印歐語系最古老嘅成員之一。
用梵文寫嘅文學好豐富,有好多詩詞。科技、思想、宗敎都係用佢嚟寫。今時今日都用喺宗敎禮儀之上。梵文好少用嚟講,不過亦有機構想復興呢隻話。
This article uses material from the Wikipedia 粵語 article 梵文, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.