Technologie (van 't Grieks: τεχνολογια < τεχνη vakmanschap en λογος' woord, betêkenisse) is de systemoatische en praktische toepassienge van kennisse.
Van Dale zegget volgende over technologie: tech·no·lo·gie (de ~ (v.), ~ën)
Over 't olgemêen wordt technologie gelyk gesteld met 't produceern van etwa da nieuwe is, een innovoasje. Veel mensn peizn over "technologie" as iet da "high-tech" is, mè computerachtige apparateur en flikkerende lamptjies gelik in de science fiction films.
't Verschil tusschn technologie en wetenschap is da technologie de toepassienge van wetenschappelike principes voarensteldt. Azô hèt de wetenschap ountdekt dat een illetrieke stroom een magnetische flux verôorzaakt die ton were een tegenflux verôorzaakt. Technologie bestoat der nie ollêne uut van de beseffn dat illetriek een yzern staaftjie kan loatn round droain, moar ook de maniere woarup hoe dan die principes kunn'n gebruukt wordn vô zô'n staaftjie mestjies te loatn round droain in een schêapparoat. Dus in 't kort is technologie de maniere woarup da wetenschappelike principes wordn ommegezet in techniek. 't Is doavan da den term technologie vele wor gebruukt as een anglicisme vo techniek.
Technologie hèt de maniere woarup da ounze moatschappy werkt groundig veranderd. Od een mens vroeger van de Limbrug noa West-Vloandern verhuusde, zei tjie eigentlik salutjes an zyn oude kennissenkrieng en begos tjie een nieuw leevn in de nieuwe plekke. Tegenwôordig zyn zô'n (en grôtere) afstandn gemakkelik 't overbruggn deur de vôruutgank in 't vervoer (otto, tring, vliegtuug), den tillefong en 't internet. Een mens kan nu gemakkelik familie an den andere kant van de weireld hèn, en nog met under klappn of under af en toe bezoekn. Technologie hèt de weireld gemakt in wa da nu the global village wor genoemd.
This article uses material from the Wikipedia West-Vlams article Technologie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.