Tòquio (東京, , Tōkyō?, /toːkʲoː/ «Capitala de l'èst») es la capitala de Japon, localizada dins la region de Kantō al centre èst de l'illa d'Honshū, dins la prefectura de Tòquio.
Lo gentilici es toquioïta.
| |
Imne | Imne Metropolitan de Tòquio (1947 ) |
---|---|
Simbòl | Ginkgo biloba, Prunus ×yedoensis e Chroicocephalus ridibundus |
Nom oficial | 東京都 (ja) |
Entitat | prefectura metropolitana |
Eponim | capitala e Èst |
Administracion | |
Estat | Japon |
Capitala | Shinjuku |
Capitala de | Japon |
Politica | |
Organ executiu | govèrn metropolitan de Tòquio |
• Governador | Yuriko Koike (2016–) |
Organ legislatiu | Assemblada Metropolitana de Tòquio |
Geografia | |
Coordenadas | 35° 41′ 22″ N, 139° 41′ 30″ E |
Superfícia | 2 194,05 km² |
Banhat per | Baia de Tòquio Riu Sumida (ca) riu Ara (ca) riu Edo (ca) |
Limitròf amb | Prefectura de Chiba prefectura de Yamanashi Prefectura de Saitama prefectura de Kanagawa |
Altitud mejana | 6 m |
Punt culminant | Mont Kumatori (2 017,1 m) |
Fus orari | UTC+09:00 Fus orari japonés |
Demografia | |
• Totala | 14 264 798 ab. (2022 ) |
• Densitat | 6 501,58 ab./km² |
Istòria | |
Anterior | prefectura de Tòquio e ciutat de Tòquio |
Autras informacions | |
ISO 3166-2 | JP-13 |
Embessonatges | Amman Delhi Casablanca Damasc Nòva York (1960–) Pequin (1979–) París (1982–) Honolulu (1982–) Nòva Galas del Sud (1984–) Seol (1988–) Jakarta (1989–) São Paulo (1990–) governador del Caire (1990–) Moscòu (1991–) Berlin (1994–) Roma (1996–) Londres (2015–) |
Sit web | metro.tokyo.lg.jp |
Sa populacion èra estimada a 14 264 798 abitants en mai de 2022 e forma una de las principalas ciutats mai pobladas del mond.
Tòquio es una de las quaranta-sèt prefecturas de Japon. Principal centre politic de l'archipèla dempuèi lo sègle xvii, la vila aculhís las principalas institucions del país: la residéncia de l'emperador de Japon, del Primièr ministre, le seti de la Dièta (lo parlament japonés), del Cabinèt, los ministeris que lo constituisson e totas las ambassadas estrangièras.
A l'origina, Tòquio èra un pichon vilatge de pescaires nomenat Edo («l'estuari»). Fortificat al sègle xv, Edo venguèt la basa militara de shogun Tokugawa Ieyasu a la fin del sègle xvi, puèi la capitala de son governament. Durant l’epòca d'Edo (1603-1868), Edo se desvolopèt e venguèt una de las vilas pus pobladas al monde a la fin del sègle xviii, amb una populacion de prèp d'un milion d'abitants. Amb la restauracion de l'Empèri en 1868, foguèt confortada dins son ròtle de còr politic de Japon: lo castèl d'Edo venguèt la residéncia de l'Emperador Meiji (Kōkyo), e la vila prenguèt son nom actual per oposicion a Kyoto, l'anciana capitala. Durant la Segonda Guèrra Mondiala, foguèt destrusida per mitat pels bombardaments aerians americans, mas foguèt lèu lèu rebastida. Dins la segonda mitat del sègle xx, Tòquio venguèt una metropòli de reng mondial merce a un fòrt desvolopament industrial –en particular dins lo sector de l'electronica–, e vegèt sa populacion multiplicada per detz en cinqanta ans.
Principal centre economic e financièr de Japon, Tòquio es una de las principalas plaças financièras asiaticas e mondialas. Lo dinamic arrondiment de Shinjuku comporta nombroses gratacèls, coma lo de la comuna e de mantes grands magazins de Japon. Minato-ku aculhís los sètis socials de nombrosas entrepresas japonesas e estrangièras, e un cinqantenat d'ambassadas. Chiyoda concentra las institucions politicas japonesas. Enfin, Shibuya es reputat per èsser un dels quartièrs pus animats de la vila, mercé a lapreséncia de grands centres commercials coma lo 109. Malgrat la modernitat de son arquitectura, que ne testimònia la torre Tokyo Skytree, nombroses santuaris shinto e temples bodistas son estats servats o tornar bastit aprèt los bombardaments, coma lo Sensō-ji, lo santuari Yasukuni, lo Zōjō-ji o las pòrtas Hōzōmon.
Situada al fons de la baia de Tòquio, la comuna de Tòquio ten un estatut administratiu particular entre las prefecturas de Japon - la vila de Tòquio foguèt suprimida coma entitat politica o administrativa en 1943. L'aglomeracion, que s'estend al delà dels limits de la prefectura, s'espandís sus una larga faissa de la baia de Tòquio e dins la region de Kantō. Amb Ōsaka e Nagoya, constituís un dels pòls de la megalopòli japonesa.
This article uses material from the Wikipedia Occitan article Tòquio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.