6. Januar: Noordkorea gifft bekannt, dat dat Land eerstmals en Waterstoffbomb test hett.
27. Januar: Nah den Rückträe vun Christiane Taubira as franzöösch Justizministerin wurrd Jean-Jacques Urvoas to'n Nahfolger in't Amt verklort.
23. Juni: Bi dat britische EU-Referendum hett de Mehrheit vun de Wähler för en Utträe ut de Europääsch Union stimmt. Doruphen hett Premierminister David Cameron för Oktober 2016 sien Rückträe ankünnigt.
13. Juli: Theresa May (Conservative Party) is as Nahfolgerin vun David Cameron to de Premierministerin vun dat Vereenigte Königriek nömmt wurrn.
8. November: Donald Trump, Kandidat vun de Republikaansch Partei, hett de US-Präsidentschapswahl wunnen. De Republikaner hemm sück todem hör Mehrheit in' US-Kongress sekert.
Kunst un Kultur
18. Juni bit 3. Juli: The Floating Piers vun Christo up den böveritalieensch Iseosee.
Sport
30. Januar: Mit en Sieg gegen de topsett US-Amerikanerin Serena Williams hett de düütsch Tennisspelerin Angelique Kerber dat Damenfinale bi de Australian Open wunnen. Dat weer de eerste düütsche Sieg bi en Grand-Slam Turnier siet 1999.
31. Januar: De düütsch Mannschap wurrd Handball-Europameester 2016.
5. August: De XXXI. Olympisch Sömmerspelen in Rio de Janeiro fangen an un düern bit to den 21. August.
21. November: Mit en tweeten Platz in dat letzt Saisonrennen wurrd Nico Rosberg Formel 1-Weltmeester 2016.
Weertschap
9. Februar: Bi en Iesenbahnunglück in Bad Aibling in Bayern, kommt 11 Minschen to Dood und völ sünd besehrt.
14. Juli: An' franzööschen Natschonalfierdag sünd bi en Anslag in Nizza mindst 84 Minschen to Dood kommen un tallriek wiedere swoor besehrt wurrn, as en Lastwagen dör en Minschenmenge rasen dee.
18. Juli: Bi en Angreep in en Regionalbahn bi Würzborg an'n hett en minnerjöhrigen Flüchtling, de alleen in Düütschland weer, fiev Lüde mit en Biel un mit en Mest verwunnt. Veer vun jem hett dat böös drapen. De Angrieper is later vun en Spezialinsatzkummando (SIK) vun de Polizei in Bayern dootschaten wurrn.
22. Juli: Bi en Amokloop in München wurrn an un in dat Olympia-Inkoopzentrum negen Lüüd dood schaaten un mindst 16 besehrt. Nahderhen hett man denn ok noch den Schütten funnen, en 18-johrig Düütsch-Iraner.
24. August: Bi en Eerdbeven mit Epizentrum an de Grenz vun italieensch Regionen Umbrien, Marken un Latiumkommt mehr as 280 Lüüd to Dood.
19. Dezember: Bi de Anslag up den Wiehnachtsmarkt in Berlin 2016 hett Anis Amri, wohrschienlich en islamistischen Terroristen, de ut Tunesien stamm un in Düütschland leev, mit Afsicht en LKW in de Lüde rinstüert, de over den Wiehnachtsmarkt bi de Kaiser-Willem-Gedächtniskarken in Berlin spazeern gungen. He hett dor 12 Lüde bi umbrocht. 56 annere Lüde sünd, to'n Deel bannig, verwunnt wurrn.
This article uses material from the Wikipedia Plattdüütsch article 2016, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.